លំដាប់រងទី៥ កម្មវិធី Miss Grand International 2022 ពេជ្រ វត្ដីសារ៉ាវឌ្ឍី បានប្រកាសចាប់ផ្ដើមឆ្លៀតធ្វើកម្មវិធីសប្បុរសធម៌មួយនាងពេលខាងមុខនេះ។ កាលប្រកាសនោះបានធ្វើឡើងកាលពីយប់មិញ ដោយគម្រោងកម្មវិធីសប្បុរសធម៌ នឹងធ្វើឡើងនាថ្ងៃចុងសប្ដាហ៍នេះតែម្ដង។
តារាស្រីមានប្រភពពីខេត្តព្រះសីហនុបានប្រកាសរៀបរាប់ថា “នាងខ្ញុំ ពេជ្រ វត្តីសារ៉ាវឌ្ឍី ពេលនេះនាងខ្ញុំមានឱកាស និងពេលវេលាបន្តិចបន្តួច ក្នុងការបង្កើតគម្រោងធ្វើសប្បុរសធម៌មួយ នៅថ្ងៃទី០៧ ខែមករា ឆ្នាំ ២០២៣ គឺពួកយើងរួមគ្នា ជាចំណែកមួយជួយទៅដល់សង្គម តាមរយៈការចែករំលែកក្តីស្រឡាញ់ ភាពរីករាយជាមួយក្មេងៗ ដោយពួកយើងនឹងនាំយកសម្ភារៈសិក្សាមួយចំនួនចែកជូនដល់ក្មេងៗ ព្រមទាំងបង្កើតភាពស្និទ្ធស្នាលញាំអាហារជាមួយគ្នាមួយពេល“។
ចំពោះទីតាំងសាលានៅមិនទាន់មានការបញ្ជាក់ណាមួយពី វត្តី ឡើយ ហើយក្នុងឱកាសនោះនាងក៏បានបញ្ជាក់លេខគណនីធនាគារ ដើម្បីឲ្យមហាជនដែលបានចាប់អារម្មណ៍ អាចចូលរួមចែករំលែកក្ដីស្រឡាញ់ដល់ក្មេងៗទាំងនោះបាន។
គួរបញ្ជាក់ថាមុនទៅចូលរួមប្រកួត Miss Grand International 2022 នៅប្រទេសឥណ្ឌូណេស៊ី ពេជ្រ វត្តីសារ៉ាវឌ្ឍី គឺសកម្មក្នុងការចុះចែករំលែកក្ដីស្រឡាញ់ និងស្ម័គ្រចិត្តបរិច្ចាគឈាមច្រើនដងមកហើយ។ សម្រាប់លើកនេះដែរ នាងបានបញ្ជាក់ថា ឆ្លៀតធ្វើ ទាំងដែលកាលវិភាគការងារមមាញឹកខ្លាំង ក្រោយត្រឡប់ពីថៃ៕

























Account
Security
Favourite Content