មិនសំចៃមាត់ អតីតតារាចម្រៀងប្រុសប្រចាំផលិតកម្ម សាន់ដេ លោក មាស សាលី និងប្អូនប្រុសព្រមទាំងភរិយាដែលកំពុងរស់នៅសហរដ្ឋអាមេរិកបានរៀបរាប់ និងពន្យល់ប្រាប់ជនបរទេសអំពីមូលហេតុនៃការផ្ទុះសង្គ្រាមព្រំដែនរវាងកម្ពុជា-ថៃ។

ដូចដែលមហាជនបានដឹងហើយថាបន្ទាប់ពីរៀបការ មាស សាលី និងភរិយា ដែលរស់នៅឯទឹកដីអាមេរិកស្រាប់ នៅតែខ្វាយខ្វល់ពីទឹកដីកំណើតដដែល។ បច្ចុប្បន្នលោក ប្អូនប្រុស និងភរិយាប្រកបរបរជាជាងធ្វើក្រចកនៅក្នុងទីក្រុង Chicago រដ្ឋ Illinois។
នាពេលថ្មីៗនេះនៅលើអាខោនផ្ទាល់ខ្លួនរបស់តារាចម្រៀងប្រុសរូបនេះបានបង្ហោះនូវរូបភាពក៏ដូចជាវីដេអូនៃការពន្យល់រៀបរាប់ពីបញ្ហាជម្លោះព្រំដែនរវាងកម្ពុជាថៃទៅកាន់ជនបរទេសដែលជាភ្ញៀវមកទទួលសេវាមើលថែទាំក្រចកនៅក្នុងហាង។ តាមរយៈវីដេអូបានបង្ហាញពីសកម្មភាពដែលបានបញ្ចូលនូវការពន្យល់ចំៗចំពោះសកម្មភាពបាញ់បោះយ៉ាងកម្រោលរបស់ថៃមកលើកម្ពុជាចាប់តាំងពីថ្ងៃទី២៤ ខែកក្កដា មកទល់ពេលនេះ (នៅពុំទាន់បញ្ឈប់សកម្មភាពនៅឡើយ)។
ក្នុងនោះដែរលោកក៏បានបញ្ជាក់ប្រាប់ទៅកាន់បរទេសទាំងនោះទៀតប្រទេសកម្ពុជាត្រូវការសន្តិភាពចង់រស់នៅដោយស្ងប់សុខពុំត្រូវការសង្គ្រាមនោះឡើយ។ ការបរិយាយរៀបរាប់របស់ពួកគេបានធ្វើឱ្យជនបរទេសដែលបានស្ដាប់បង្ហាញនូវការហួសចិត្តចំពោះទង្វើដ៏សែនអាក្រក់របស់ថៃព្រមទាំងបានបរិច្ចាគជាទឹកប្រាក់បន្តិចបន្តួច ដើម្បីជាចំណែកជួយទៅកាន់កងទ័ពជួរមុខក៏ដូចជាជនភៀសសឹកកម្ពុជានៅក្នុងស្ថានភាពសង្គ្រាមដ៏សែនអាក្រក់នាពេលនេះ។




នេះហើយជាទឹកចិត្តប្រជាជនខ្មែរទោះរូបកាយនៅឆ្ងាយពិតមែនតែចិត្តនិងបេះដូងរបស់ពួកយើងគឺតែមួយ និងតែងនៅជាមួយគ្នាក្នុងការតបតទាមទារយុត្តិធម៌សម្រាប់ប្រទេសកម្ពុជាព្រោះថាប្រទេសដ៏តូចមួយនេះចង់បានសន្តិភាពមិនមែនសង្គ្រាមនោះឡើយ៕
ចុចទីនេះទស្សនាវីដេអូ៖ https://www.facebook.com/Meas.Saly168/videos/1439746900669801
រូបភាព៖Meas Saly























Account
Security
Favourite Content