អ្នកគាំទ្រធូរចិត្ត និងរំភើបគ្រប់គ្នា ក្រោយឃើញ Lia ក្រុម ITZY បង្ហាញមុខជាថ្មី តែ JYP បញ្ជាក់បែបនេះ

កាលពីថ្ងៃទី៨ ខែកក្កដា ឆ្នាំ២០២៣ ផលិតកម្ម JYP Entertainment បានចេញសេចក្ដីថ្លែងការណ៍ជាផ្លូវការដោយប្រកាសពីការផ្អាកសកម្មភាពបណ្ដោះអាសន្នរបស់ Lia សមាជិក ITZY ក្រោយរកឃើញនាងមានបញ្ហាសុខភាពដែលតម្រូវឱ្យត្រូវសម្រាកព្យាបាលឱ្យបានល្អ ដូច្នេះហើយទើបនាងមិនមានវត្តមានក្នុងការចូលរួមផ្សព្វផ្សាយការវិលត្រលប់មកវិញថ្មីជាក្រុមរួមមានកាលវិភាគ​ និងការប្រគំតន្រ្តីទេសចរណ៍របស់ក្រុមឡើយ។

លុះដល់ថ្ងៃទី៦ ខែកក្កដា ឆ្នាំ២០២៤នេះ ផលិតកម្ម JYP បានជូនដំណឹងដល់អ្នកគាំទ្រអំពីស្ថានភាពសុខភាពរបស់នាង និងការបន្ដសកម្មភាពឡើងវិញផងដែរ។ រោគសញ្ញានៃភាពតានតឹង ​និងការថប់បារម្ភរបស់ Lia បានប្រសើរបន្ទាប់ពីទទួលការសម្រាកព្យាបាលអស់មួយរយៈពេលធំ។ ការវិលត្រលប់មកវិញលើកនេះគឺបានឆ្លងកាត់ការពិភាក្សាយ៉ាងល្អិតល្អន់ជាមួយនាងយ៉ាងត្រឹមត្រូវ។​

ជាក់ស្ដែងនាងបានបង្ហាញមុខជាលើកដំបូងក្នុងការផ្សាយផ្ទាល់សម្រាប់ឱកាសគម្រប់ខួប ៥ ឆ្នាំរបស់ MIDZY ជាមួយសមាជិកទាំងបួនអ្នកទៀត ក្រោយសម្រាកអស់រយៈពេល ១០ ខែមកនេះ។ ការបង្ហាញមុខលើកនេះផថដែរពិតជាធ្វើឱ្យអ្នកគាំទ្ររំភើបចិត្តជាខ្លាំង ជាពិសេសបានធូរក្នុងចិត្តនៅពេលដែលឃើញនាងត្រលប់មកវិញជាមួយភាពស្រស់ស្រាយ ​និងស្រស់ស្អាតដូចដើម។

ទោះជាយ៉ាងណាក្ដី នៅក្នុងករណីនេះផងដែរក្រុមហ៊ុនក៏បានសុំការយោគយល់ពីអ្នកគាំទ្រដោយកាលវិភាគ និងការថតសម្រាប់អាល់ប៊ុមថ្មីសុទ្ធតែត្រូវបានរៀបចំទុកជាមុនមុនពេលចេញអាល់ប៊ុមជាផ្លូវការ ដូច្នេះក្នុងនោះមានតែសមាជិក ៤ រូបប៉ុណ្ណោះគឺ Yeji, Ryujin, Chaeryeong និង Yuna។ យ៉ាងណាមិញ ក្រុមហ៊ុនក៏បានសម្ដែងការដឹងគុណជាខ្លាំងចំពោះអ្នកគាំទ្រសម្រាប់ការលើកទឹកចិត្ត និងការគាំទ្រដ៏កក់ក្ដៅទៅដល់ Lia ក្នុងកំលុងពេលដែលនាងមានបញ្ហាសុខភាព។  

គួរបញ្ជាក់ផងដែរថា បច្ចុប្បន្ននេះ ITZY​ កំពុងធ្វើការប្រគំតន្រ្ដីទេសចរណ៍ពិភពលោកលើកទីពីររបស់ពួកគេ “BORN TO BE” ដោយថ្មីៗនេះពួកគេទើបនឹងបញ្ចប់ការសម្ដែងនៅអាមេរិកខាងជើង។ ជាមួយគ្នានេះ ITZY ក៏គ្រោងនឹងធ្វើដំណើរទៅសម្ដែងនៅទីក្រុងតៃប៉ិ​នៅថ្ងៃទី២០ ខែកក្កដា នៅទីក្រុងម៉ានីលថ្ងៃទី៣ ខែសីហា  និងនៅទីក្រុងហុងកុងថ្ងៃទី១០ ខែសីហា ឆ្នាំ២០២៤ ផងដែរ។ ប៉ុន្ដែសម្រាប់ការចូលរួមរបស់ Lia នឹងមានការជូនដំណឹងនៅពេលក្រោយ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

អាជីព HyunA រងការរង្គោះរង្គើកាន់តែខ្លាំង ក្រោយប្រកាសរៀបការជាមួយ Yong Junhyung

តារា​ចម្រៀងខេប៉ុប HyunA កំពុងប្រឈម​​ការ​រិះគន់ខ្លាំង​ពី​អ្នក​គាំទ្រ​ បន្ទាប់​ពីមាន​ការ​ប្រកាសថានាងនឹង​រៀប​ការ​នៅ​ខែ​តុលា​ ជាមួយមិត្តប្រុស Yong Junhyung ជាអតីតតារាខេប៉ុប

ម្ចាស់បទ «នឹក» បកស្រាយឈ្មោះ Kwan ជារឿងនឹកស្មានមិនដល់

អ្នក​គាំទ្រ​បាន​ស្គាល់​ម្ចាស់​បទ «នឹក» Kwan ត្រឹម​ជា​ឈ្មោះ​ហៅ​ក្រៅ​ប៉ុណ្ណោះ និង​កម្រ​មាន​អ្នក​ដឹង​ឈ្មោះ​ពិត​ឡើយ លើកលែង​តែ​មិត្ត​រួម​អាជីព​​ស្និទ្ធជាមួយ។ អ្នក​គាំទ្រ​ចាប់ផ្ដើម​ស្គាល់​ឈ្មោះ​ពិត​របស់

ស្រមោលខ្មៅស្ទើរពេញមួយជី​វិត! Kim JaeJoong ត្រូវអ្នកគាំទ្ររោគចិត្ដលួចចូលផ្ទះបំពានខ្លួនប្រាណ

Kim JaeJoong ជាតារាប្រុសខេប៉ុបដែលល្បីល្បាញម្នាក់ លោកធ្លាប់ជាអតីតសមាជិកក្រុមចម្រៀងល្បី TVXQ និងជាសមាជិកក្រុមចម្រៀង JYJ នាពេលបច្ចុប្បន្ន។

ញាក់ណាស់! ទេព បូព្រឹក្ស ទម្លាក់រូប១សន្លឹកឱ្យតម្រុយបទថ្មី

ត្រឹម​រូប​មួយ​សន្លឹក​របស់​កំពូល​តារា​ចម្រៀង​លេច​ធ្លោ​ ទេព ​បូព្រឹក្ស​ ក៏​អាច​ទាក់​ចិត្ត​មហាជន​ និង​ហ្វេន​ឱ្យ​ចូល​ខមិន​សរសើរ​​ និង​ទស្សន៍ទាយ​​ ​MV​​ ដែល​អ្នក​នាង​នឹង​ទម្លាក់​នា​ពេល​ឆាប់​ៗ​ខាង​

កំពុងលេចធ្លោខ្លាំង តែ Byeon WooSeok ប្រឈមអស់ឱកាសកាន់ប្រេនល្បីៗ ដោយសាររឿងមួយនេះ

តារាសម្ដែងប្រុសកូរ៉េ Byeon WooSeok បានក្លាយជាតារាសម្ដែងប្រុសដ៏លេចធ្លោក្នុងម្នាក់ក្នុងឆ្នាំ ២០២៤។ បន្ទាប់ពីសម្ដែងរឿងភាគកូរ៉េ “Lovely Runner” អាជីពសិល្បៈរបស់លោកប្រែប្រួលស្ទើរ ១៨០ ដឺក្រេ មិនដល់រយៈពេល ៣ ខែផង បណ្ដាញសង្គមអ៊ីនស្ដាក្រាមរបស់លោក ឡើងពីអ្នកចុចតាមដាន ១ លាននាក់រហូតដល់ជិត ១១លាននាក់ដែលវាចំនួនយ៉ាងច្រើនមួយ។

ទីបំផុតជម្លោះដ៏ក្ដៅគគុករវាង​ ចន ច័ន្ទលក្ខិណា និង​ ម៉េង កែវពេជ្ជតា បានបញ្ចប់ហើយ

គិត​មក​ទល់​ពេល​នេះ​ ជម្លោះ​ដ៏​រ៉ាំរ៉ៃ​រវាង​សិល្បករ​ជើង​ចាស់ ២ រូប ​គឺអ្នក​នាង ​ចន ​ច័ន្ទ​លក្ខិណា​ និងតារា​ចម្រៀង ម៉េង ​កែវ​ពេជ្ជតា ​ដែលអូស​បន្លាយ​​អស់​រយៈ​ពេល​ជា​ច្រើន​ឆ្នាំ​​​​​ រហូត​ឈាន​ដល់​ការ​ប្ដឹងផ្ដល់​ដ៏​

Rosé នឹងបញ្ចេញចម្រៀង សម្រាប់រឿងភាគរបស់តារាប្រុស Lee Minho “Pachinko”

រឿងភាគល្បីរបស់ Apple TV+ គឺ “Pachinko” ដែលចូលរួមសម្ដែងដោយតារាប្រុសល្បី Lee Minho, Kim Min Ha និង Yoon YeoJung ត្រូវបានរាយការណ៍ថា នឹងត្រឡប់មកកំដរអារម្មណ៍

កម្សត់ពេក! បេក្ខនារីម្នាក់ធ្វើឱ្យ Judge កម្មវិធី Cambodian Idol រដូវកាលទី៥ រំជួលចិត្តស្រក់ទឹកភ្នែក

បេក្ខនារី​ដែល​មក​ពី​ខេត្ត​បាត់​ដំបង​​ម្នាក់​​បាន​ធ្វើ​ឱ្យ Judge ទាំង​ ៤ ក្នុង​កម្មវិធី​ប្រឡង​ចម្រៀង​លំដាប់​ពិភពលោក​ ​Cambodian Idol រដូវកាល​ទី​៥ រំជួល​ចិត្ត​ ស្រក់​ទឹក​ភ្នែក​ម៉ាត់​ៗ​​

មកស្គាល់កូនខ្មែរកាត់អ៊ុយក្រែនដ៏សង្ហា លឹម រ៉ូម៉ា ពីក្រោយរូបប្រាសាទស្អាតៗ ជួយផ្សព្វផ្សាយកម្ពុជាទៅពិភពលោក

លឹម រ៉ូម៉ា គឺជាយុវជនរូបសង្ហាមួយរូប ដែលមានឆន្ទះដ៏មុតមាំក្នុងការចូលរួមចំណែកលើកស្ទួយវិស័យទេសចរណ៍ក្នុងប្រទេសកម្ពុជា តាមរយៈការផលិតមាតិការូបភាព និងវីដេអូដ៏មានគុណភាពផ្សព្វផ្សាយនៅលើបណ្ដាញសង្គម

ជីមី បកស្រាយរឿងរៀបការស្ងាត់ៗមិនហៅភ្ញៀវ​អធិកអធមចូលរួមពិធីជយមង្គល

ក្រោយ​បែក​ធ្លាយ​ថា​តារា​ស្រី​រាង​ស្រឡូន​ស្អាត ជីមី ម៉េង និង​គូស្នេហ៍​ដែល​ស្រលាញ់​គ្នា​ជាង ៦​ឆ្នាំ​ចូល​រោងការ​ស្ងាត់​ៗ​កាលពី​សប្ដាហ៍​មុន​នោះ​រួច​មក ព្រឹក​នេះ​ម្ចាស់​ផលិតផល​ផល​ថែរក្សា​ស្បែក​ដ៏​ល្បី​បាន​