ប្រិយមិត្តអ្នកអានដែលគាំទ្រវិស័យប្រកួតប្រជែងសម្រស់ ពិសេសកម្មវិធី Miss Grand Cambodia ប្រាកដជាបានជ្រាបហើយថា លោក អ៊ិន សុភិន នាយកគ្រប់គ្រង និងជាអ្នកទទួលរៀបចំការប្រកួត Miss Grand Cambodia រយៈពេល ៣ ឆ្នាំជាប់គ្នា បានសម្រេចចិត្តលែងដៃពីមួយនោះហើយ ចាប់ពី ២០២៣ តទៅ ដែលធ្វើឱ្យមហាជនមានការភ្ញាក់ផ្អើលជាខ្លាំង។
លោក អ៊ិន សុភិន បានបង្ហោះលើគណនីហ្វេសប៊ុកផ្លូវការថា «ខ្ញុំសុំឈប់ធ្វើ Miss Grand Cambodia ចាប់ពីឆ្នាំ 2023 តទៅដោយមូលហេតុចង់សម្រាកពីការងារផ្នែកមួយនេះ អរគុណសម្រាប់ការគាំទ្រកន្លងមក !»។
ក្រោយឃើញការបង្ហោះឈប់ផលិតកម្មវិធីបន្ត មហាជនបានបញ្ចេញមតិយោបល់ផ្សេងៗគ្នា ក្នុងនោះគេឃើញមានទាំងការរិះគន់ និងការលើកសរសើរ អាណិត និងសោកស្តាយព្រមគ្នា។ តួយ៉ាង ការរិះគន់ទៅលើអ្នកគ្រប់គ្រងរូបនេះ មិនមែនទើបកើតឡើងទេ តែវាកើតតាំងពីឆ្នាំ ២០២០ មកម៉្លេះ ទៅលើការរៀបចំមិនគ្រប់ជ្រុងជ្រោយ បញ្ហារឿងលុយកាក់ជាមួយបវរកញ្ញា និងផ្នែកសម្លៀកបំពាក់ ជាដើម។
ចំណែកការលើកសរសើរវិញនោះ គឺដោយសារ ៣ ឆ្នាំមកនេះ ត្បិតតែការគ្រប់គ្រងរបស់លោកមានចន្លោះខ្វះខាតច្រើន ប៉ុន្តែ Miss Grand Cambodia ទាំង ៣ រូប សុទ្ធសឹងតែចូលដល់វគ្គ ដូចជា កញ្ញា លីវ ជីលី Miss Grand Cambodia 2020 ជាប់ Top20 , ប៉ូគឹមថេង សុតធីតា ជាប់ Top10 , ពេជ្រ វត្តីសារ៉ាវឌ្ឍី ជាប់ 5thRunner up Miss Grand International 2022។ នេះសបញ្ជាក់ឱ្យឃើញថា រយៈ ៣ ឆ្នាំដែល លោក អ៊ិន សុភិន គ្រប់់គ្រង Miss Grand Cambodia ទោះសល់បានការរិះគន់ និងលើកសរសើរទន្ទឹមគ្នា។
មកទល់ពេលនេះគេនៅមិនទាន់ដឹងថាតើនរណានឹងក្លាយជាអ្នកទិញសិទ្ធរៀបចំកម្មវិធី Miss Grand Cambodia បន្តពីម្ចាស់ផលិតកម្មវិមហាហង្សនៅឡើយទេ ខណៈរូបលោកផ្ទាល់ក៏មិនទាន់ផ្តាច់ពីវិស័យ Beauty Pageant បានទាំងស្រុងដែរ ព្រោះក្រៅពីកម្មវិធី Miss Grand Cambodia លោកក៏ទទួលបន្ទុករៀបចំកម្មវិធីជាច្រើនទៀតដូចជា Miss Supranational Cambodia, Miss Earth Cambodia, Miss Global Cambodia, Mister Grand Cambodia និង Mister Supranational Cambodia ផងដែរ។
យ៉ាងណាមិញ ក្រោយឃើញការប្រកាសថា ឈប់ធ្វើ Miss Grand Cambodia ចាប់ពីឆ្នាំ ២០២៣ គេជឿជាក់ថាលោកអាចនឹងងាកមកពង្រឹងវិស័យភាពយន្តវិញ បន្ទាប់ពីផ្អាកការថតអស់រយៈពេលជាង៣ ឆ្នាំ៕























Account
Security
Favourite Content