ថ្មីៗ នេះ មានសេចក្តីរាយការណ៍ឱ្យដឹងថា អតីតសមាជិកក្រុមចម្រៀងនារីល្បី AOA គឺ Mina បានដាក់ពាក្យបណ្តឹងទៅកាន់ប៉ូលីស ដោយអះអាងថា នាងត្រូវបានគេបោកប្រាស់ និងគំរាមកំហែងក្រោយពីបានដាក់ពាក្យធ្វើការក្រៅម៉ោង។ បើយោងតាមប្រភពព័ត៌មាន Channel A។

ប្រភពដដែលបានឱ្យដឹងទៀតថា កាលពីថ្ងៃទី ២០ខែ កុម្ភៈ ឆ្នាំ ២០២៣ ប៉ុស្តិ៍ប៉ូលីសនៅតំបន់ Yongsan ក្នុងទីក្រុង Seoul បានទទួលពាក្យបណ្តឹងពីអតីតតារាចម្រៀងស្រី Mina។ តាមសម្ដីរបស់រូបនាងបានទម្លាយថា ខ្លួនបានដាក់ពាក្យធ្វើការក្រៅម៉ោងនៅក្រុមហ៊ុន ‘A’ (ឈ្មោះតំណាង) ប៉ុន្ដែក្រុមហ៊ុននោះមិនបានផ្ដល់ប្រាក់ដល់នាងឡើយ ថែមទាំងរកល្បិចគំរាមយកប្រាក់ពីនាងថែមទៀត។
Mina បានរៀបរាប់ថា៖ ដំបូងនាងចង់រកការងារក្រៅម៉ោងដើម្បីរកចំណូលបន្ថែម ហើយនាងក៏បានរកឃើញការងារមួយដែលតម្រូវឱ្យគ្រាន់តែឆាតឆ្លើយឆ្លងជាមួយភ្ញៀវជាមនុស្សប្រុស ដែលពួកគេភាគច្រើនជាមនុស្សនៅលីវ និងឯកា ចង់រកអ្នកជជែកកម្សាន្ដ។ បន្ទាប់ពីឆាតរួចរាល់ភ្ញៀវនឹងជូនកាដូជាកាក់មកតាមកម្មវិធីឆាត ហើយកាក់នោះអាចយកទៅប្ដូរជាប្រាក់បាន ទទួលបានកាក់កាន់តែច្រើននឹងទទួលបានចំណូលកាន់តែច្រើនដូចគ្នា។

Mina បានបន្ដថា៖ ក្នុងមួយថ្ងៃនាងអាចរកកាក់បានច្រើនខ្លាំង បើគិតជាសាច់ប្រាក់គឺប្រមាណ ៦១០០ ដុល្លារអាមេរិកឯណោះ។ ប៉ុន្ដែនៅពេលដែលនាងចង់ប្ដូរកាក់យកជាប្រាក់ក្រុមហ៊ុនបែរជាទាមទារឱ្យនាងបង់ប្រាក់ជាមុនសិនដើម្បីរៀបចំឯកសារនានា ទើបទទួលបានប្រាក់ទាំងនោះ។ ស្របពេលជាមួយគ្នា ប្រសិនបើនាងមិនបង់ប្រាក់ជូនក្រុមហ៊ុនទេ កាក់ទាំងអស់ដែលខំរកបាននឹងទៅជាអាសារបង់ជាមិនខាន។ Mina ក៏សម្រេចចិត្ដបង់ប្រាក់ប្រមាណ ១១ ៥៦៦ ដុល្លារអាមេរិកទៅឱ្យក្រុមហ៊ុន។


ជាលទ្ធផល នាងត្រូវបានក្រុមហ៊ុននោះបោកប្រាក់ និងថែមទាំងគំរាមទម្លាយឆាតទាំងឡាយដែលនាងបាននិយាយជាមួយភ្ញៀវជាសាធារណៈទៀត។ ជាចុងក្រោយនាងទាល់ច្រកក៏សម្រេចប្ដឹងប៉ូលីសដើម្បីឱ្យជួយដោះស្រាយតែម្ដង៕
























Account
Security
Favourite Content