ថ្មីៗនេះទស្សនារដ្ដី SENSE របស់ប្រទេសចិនបានចេញផ្សាយវីដេអូក្រោយឆាកសម្រាប់ការថតរូបរបស់ Sehun សមាជិកកូនពៅក្រុម EXO ដោយក្នុងនោះលោកក៏បានបង្កប់សារប្រាប់ដល់អ្នកគាំទ្រអំពីការចូលបម្រើយោធាឆាប់ៗរបស់លោកផងដែរ។
យោងតាមគេហទំព័រ KBIZoom នៅក្នុងវីដេអូ លោកបានសរសេរសារដោយផ្ទាល់ដៃថា “ខ្ញុំនឹងនៅក្បែរអ្នកជានិច្ច”។ លើសពីនេះ Sehun ក៏បានបង្ហាញសារពិសេសដោយនិយាយជាភាសាចិនថា “ពួកយើងនឹងជូបគ្នាម្ដងទៀតនៅ ២ ក្រោយ។ យ៉ាងណាក៏ដោយ សូមរង់ចាំពាក្យសន្យាព្រិលធ្លាក់ដំបូង ឬ The First Snow Promise របស់ពួកយើងផង”។
កន្លងមកក៏មានអ្នកគាំទ្ររបស់លោកជាច្រើនបង្ហាញអារម្មណ៍ខូចចិត្ត និងពិតជាមិនចង់ឱ្យលោកចាកចេញពីពួកគេឡើយ បន្ទាប់ពីដឹងថាលោក។ ប៉ុន្តែនេះគឺជាកាតព្វកិច្ចដែលលោកមិនអាចខកខានបានឡើយ ដូច្នេះពួកគេមានតែពាក្យជូនពរទៅកាន់ Sehun ឱ្យមានសុខភាពល្អ និងរស់នៅដោយរីករាយ ហើយពួកគេនឹងនឹកលោករៀងរហូត។
មិនត្រឹមប៉ុណ្ណេះ កូនពៅក្រុម EXO រូបនេះក៏បានលួងលោម និងលើកទឹកចិត្តអ្នកគាំទ្រវិញដែរថាលោកនឹងត្រលប់មកវិញឆាប់ៗនេះហើយ ដូច្នេះលោកសូមឱ្យអ្នកគាំទ្ររបស់លោកទាំងអស់ញ៉ាំឱ្យឆ្ងាញ់ៗ ស្រឡាញ់ខ្លួនឯងឱ្យច្រើន និងមានសុខភាពល្អផងដែរ ហើយក៏កុំបារម្ភពីលោកខ្លាំងពេកអី។
ដោយសារឆ្នាំ ២០២៣ គឺជាឆ្នាំសម្រាប់សមាជិកនៅក្នុងក្រុម EXO ដែលកើតឆ្នាំ ១៩៩៤ ត្រូវចូលបម្រើយោធា ដូច្នេះហើយ Sehun ត្រូវបានគេសន្មតថានឹងកំពុងដំណើរការចុះឈ្មោះចូលជួរកងទ័ព បន្ទាប់ពី Kai ។ រហូតមកដល់ពេលនេះ អ្នកគាំទ្រនៅតែផ្ញើពាក្យជូនពរដល់លោកជាបន្ដបន្ទាប់ និងសន្យាថាពួកគេនឹងរងចាំលោកជានិច្ច ៕
SEHUN @weareoneEXO pic.twitter.com/g27dgtXfEz
— 'KNOCK KNOCK!' (@knockknock0408) December 4, 2023