ពិសេសណាស់សប្ដាហ៍ដំបូងនៃកម្មវិធី Rapper Fighter មានវត្តមាន DJ KDEP ចូលក្នុងកម្មវិធីរបស់ស្ថានីយទូរទស្សន៍ PNN មួយនេះ។ DJ ក្ដឹប នៅតែទទួលបានការគាំទ្រ និងទឹកដមសំនៀងពីរោះមិនប្រែឡើយ ហើយសូម្បីតែ Coach ក៏មិនបន្ធូរដៃដែរ រាំតាមបទ «សុរា» របស់ Rapper ជំនាន់ដើម ដែលជារៀមច្បងមួយរូបនេះផងដែរ។

ក្រោយការបង្ហាញមុខ និងណែនាំខ្លួនរបស់គ្រូបង្វឹកទាំង ៥ ព្រមទាំង Performance Producer និង Music Producer រួមភ្លាម ក៏លេចមុខ DJ ក្ដឹប ភ្លែត។ បទ «សុរា» ដែលជាបទល្បីបំផុតរបស់តារារ៉េបល្បី មិនស្រកស្រុតរូបនេះ មិនត្រឹមតែធ្វើឲ្យគ្រូបង្វឹកទាំង ៥ ពិធីករទាំង ២ រាំតាមឡើយ អ្នកទៅទស្សនាផ្ទាល់ ក៏ទ្រាំមិនបានដែរ។
មិនតែប៉ុណ្ណោះអ្នកទស្សនាតាមការ Live ក៏បានចូលទៅបញ្ចេញមតិសរសើរនូវបទដ៏ពីរោះរបស់ DJ ក្ដឹប មិនប្រែ បើទោះចេញតាំងពីជិត ២០ ឆ្នាំមុនក៏ដោយ។ អ្នកគាំទ្របាននិយាយសឹងតែដូចគ្នាថា Rapper ជំនាន់មុន ស្ដាប់បទចម្រៀងហើយពិតជាមានន័យ, បទនៅតែពីរោះរណ្ដំ, ស៊េរីចាស់នៅតែ អេម និងខ្លះថា DJ Kdep គឺជា legend ក្នុងវិស័យរ៉េបនេះ។

គួរបញ្ជាក់ថាសប្ដាហ៍ទី១នៃ កម្មវិធី Rapper Fighter ចាប់ផ្ដើមកាលពីយប់ថ្ងៃអាទិត្យ ទី ១៣ ខែ តុលា ឆ្នាំ ២០២៣ ក្នុងវគ្គ 5TART FIGHT សប្តាហ៍ទី១ មានបេក្ខភាព ៩ រូប។ ត្បិតត្រឹមតែជាសប្ដាហ៍ដំបូង តែកម្មវិធី Rapper Fighter មានអ្នកមើលច្រើនណាស់នៅលើបណ្ដាញសង្គមមានអ្នកមើលជិត ២ លានដង គិតត្រឹមព្រឹកនេះ៕





























Account
Security
Favourite Content