ពិតណាស់ ភាគច្រើនមហាជន និងអ្នកគាំទ្រឧស្សាហ៍ឃើញមុខរបស់តារាចម្រៀងជាច្រើនជាមួយការតុបតែងមុខក្រាស់ៗ ដើម្បីឱ្យសមជាមួយស្ទីលបទចម្រៀង និងដើម្បីឡើងឆាកសម្ដែងជាដើម។ ប៉ុន្ដែកម្របានឃើញពួកគេជាមួយមុខហ្សីនធម្មជាតិគ្មានការតុបតែងឡើយ។
ថ្មីៗ នេះ Lisa សមាជិកក្រុម BLACKPINK បានក្លាយជាប្រធានបទត្រូវបានគេយកមកពិភាក្សាសាជាថ្មីដោយសារតែរូបសម្រស់ដ៏ស្រស់ស្អាតរបស់នាង។ ដោយ Lisa ត្រូវបានអ្នកគាំទ្រប្រទះនៅព្រលានយន្ដហោះ តៃវ៉ាន់ ដើម្បីហោះត្រឡប់មកប្រទេសកូរ៉េខាងត្បូងវិញក្រោយបញ្ចប់ការប្រគំតន្ដ្រីទេសចរណ៍ពីរថ្ងៃយ៉ាងជោគជ័យនៅទីនោះ។ អ្វីដែលធ្វើឱ្យអ្នកគាំទ្រចាប់អារម្មណ៍ខ្លាំងគឺ Lisa មិនបានតុបតែងមុខអ្វីឡើយ និងបង្ហាញឱ្យឃើញពីសម្រស់ធម្មជាតិរបស់នាង បើទោះជាគ្មានក្រែមម្សៅក៏នៅតែស្រស់ស្អាត។
ក្នុងរូបភាពនោះបង្ហាញឱ្យឃើញពីរូបរាងរបស់នាងដែលទើបភ្ញាក់ពីគេង ក្រោយហត់នឿយជាមួយកាលវិភាគដ៏មមាញឹក និងការប្រគំតន្ដ្រីទេសចរណ៍ជាបន្ដបន្ទាប់។ អ្នកគាំទ្រសរសើរគ្រប់ៗ គ្នា ថារូបនាងរបស់នាងមិនត្រឹមតែស្រស់ស្អាតទេ ថែមទាំងគួរឱ្យស្រឡាញ់ខ្លាំងៗ ទៀត។ នាងហាក់ដូចជាមិនបានសម្រាកគ្រប់គ្រាន់ឡើយ ប៉ុន្ដែក៏មិនភ្លេចរាក់ទាក់អ្នកគាំទ្រ។
គួរបញ្ជាក់ថា Lisa ត្រូវបានគេចាត់ទុកជាតារាស្រីខេប៉ុបម្នាក់ដែលមិនសូវកែកុនមុខនោះទេ មុខមាត់របស់នាងគឺស្រស់ស្អាតពីធម្មជាតិ ខណៈតុបតែងខ្លួនបន្ថែមធ្វើឱ្យនាងកាន់តែមានភាពលេចធ្លោខ្លាំង និងត្រូវគេសរសើរថាមានមុខមាត់ដូចតុក្កតា Barbie អ៊ីចឹង៕

























Account
Security
Favourite Content