មុននេះបន្តិច កំពូលតារាចម្រៀងស្រី ឱក សុគន្ធកញ្ញា បានបង្ហោះរូបថតជាច្រើនសន្លឹក ដែលនាងទ្រង់គ្រឿងបុរាណ ជារូបអប្សរា និងព្រះនាងឥន្ទ្រទេវី មើលទៅស្រស់ស្អាតដូចរូបគំនូរ ដើម្បីអបអរសាទរទិវាវប្បធម៌ជាតិ ៣ មីនា លើកទី២៥ ឆ្នាំ២០២៣ ក្រោមប្រធានបទ «យុវជនដើម្បីវប្បធម៌ជាតិ»។
ភ្ជាប់ជាមួយរូបថតដ៏ស្រស់ផូរផង់ អ្នកម៉ាក់ ឆលី មិនភ្លេចរៀបរាប់ពាក្យពេចន៍ដ៏មានអត្ថន័យនោះទេ ដោយនាងបានរៀបរាប់ថា «ស្រឡាញ់ អភិរក្ស រក្សានិងការពារ វប្បធម៌ជាតិ ផ្តើមចេញពីយើងទាំងអស់គ្នាអបអរសាទទិវាវប្បធម៌ជាតិ ៣មីនា លើកទី២៥ ឆ្នាំ២០២៣ ក្រោមប្រធានបទ យុវជនដើម្បីវប្បធម៌ជាតិថ្ងៃ ៣មីនា ជាទិវារំលឹកដល់គុណូបការៈបុព្វបុរសខ្មែរគ្រប់ជំនាន់ ដែលបានពលីទាំងកម្លាំងកាយ កម្លាំងចិត្ត ប្រាជ្ញា ស្មារតី និងអាយុជីវិត ក្នុងការបង្កើត ថែរក្សា និងការពារសម្បត្តិវប្បធម៌ដ៏សម្បូរបែប និងមានតម្លៃសម្រាប់កូនចៅជំនាន់ក្រោយ។កម្ពុជា ព្រះរាជាណាចក្រនៃវប្បធម៌កិច្ចការពារបេតិកភណ្ឌវប្បធម៌ ជាភារកិច្ចរបស់កូនខ្មែរគ្រប់ៗរូប»។
គ្រាន់តែឃើញរូបនេះភ្លាម អ្នកគាំទ្រនាំគ្នាចូលទៅ Comment សរសើរតារាចម្រៀងរូបនេះ ឥតដាច់មាត់ ព្រោះភាពស្រស់ស្អាតផូរផង់ គយគន់យូរទៅរឹតតែដូចរូបគំនូរ។ ក្រៅពីកំពូលតារាចម្រៀង ឱក សុគន្ធកញ្ញា ក៏នៅមានសិល្បករ-សិល្បការិនីជាច្រើនទៀត នាំគ្នាបង្ហោះសារអបអរសាទរទិវាវប្បធម៌ជាតិ ៣មីនា លើកទី២៥ ឆ្នាំ២០២៣នេះ។ នេះមិនមែនជាលើកទី១ឡើយ ដែលម្ចាស់បទ “គ្មានថ្ងៃអូនមិនយំ” តុបតែងកាយជានារីអប្សរា ហើយលើកណាក៏ប្អូនថ្លៃថៅកែហង្សមាសរូបនេះ ទាក់ទាញចិត្តមហាជនឲ្យគយគន់រូបដ៏ល្អ មិនជិនណាយឡើយ៕
ប្រភពរូបភាព៖ ឱក សុគន្ធកញ្ញា




















































Account
Security
Favourite Content