កាលពីចុងសប្ដាហ៍មុនអ្នកនាង អ៊ឹម សុគន្ធា អគ្គនាយិការក្រុមហ៊ុន HK7 CO.,LTD បានរៀបចំកម្មវិធីជប់លៀងបំណាច់ឆ្នាំ និងបានចុះហត្ថលេខា BA ខ្មែរ-ថៃ រហូតទៅដល់ ៤ រូបឯណោះ។ ក្នុងចំណោមទូតសុច្ឆន្ទៈទាំង ៤ មានដូចជាកំពូលតារាសម្ដែងថៃអ្នកនាង Pancake តារាខ្មែរអ្នកនាង លី ម៉ារីណា កញ្ញា ហ្វាហ្វា និងព្រះនាងតូច នរោត្តម ជេនណា។
ក្រៅពី BA ដែលសុទ្ធសឹងតែជាតារាលំដាប់ៗប្រទេសជាតំណាង ក៏មានការចូលរួមពីតារាល្បីៗជាច្រើនរូបថែមទៀតចូលរួមកាន់តែអធិកអធម។ នៅក្នុងការតែងតាំង BA រហូតទៅដល់ ៤ រូប ថែមទាំងមានតារាល្បីលំដាប់ប្រទេសជិតខាង មកចូលរួមជាអ្នកតំណាងទៀតនោះ ត្រូវបានអ្នកគាំទ្រ លាន់មាត់សរសើរខ្លាំង ព្រោះអាចទាក់ទាញបានសុទ្ធតែអ្នកខ្លឹមៗ ជាពិសេសគឺព្រះនាងតូច ជេនណា តែម្ដង។
បើនិយាយពីតារាស្រីថៃ Pancake វិញជាអ្នកតំណាងផ្នែកខាងសម្រស់ស្បែក គឺ BA នៃផលិតផល Crystal Collagen រយៈពេល ៦ ខែ និងចាំមើលការវិវត្តន៍បន្តបន្ទាប់ទៀត។ ក្រៅពីប្រកាស BA ខ្មែរ-ថៃ ៤ រូបហើយ ថ្មីៗនេះដែរក្រុមហ៊ុនអតីតតារាសម្ដែងស្រីរូបនេះ ក៏ទើបតែទទួលបានសិទ្ធិរៀបចំការប្រកួតប្រជែង Miss Grand Cambodia នាឆ្នាំបន្តបន្ទាប់ទៀតផង។
នេះចាត់ទុកថាជាជោគជ័យមួយជំហានបន្ទាប់ទៀតហើយរបស់ អ៊ឹម សុគន្ធា។ ថៅកែស្រី HK7 បានបញ្ជាក់ថា Miss Grand Cambodia ត្រូវ Miss Grand International ចុះកុងត្រារហូតដល់ទៅ ៣ ឆ្នាំ តែឆ្នាំដំបូងគឺត្រូវគេផ្ដោតសំខាន់បំផុតនៃការកាន់កាប់របស់អ្នកនាង។ អ៊ឹម សុគន្ធា ធ្លាប់ជាតារាសម្តែង និងជាតារាបង្ហាញម៉ូដដ៏ល្បីម្នាក់ដែរ ព្រោះតែមានរូបសម្រស់ស្រស់ស្អាត និង ទេពកោសល្យសម្តែងល្អទៀត។ ប៉ុន្តែកាលពីជិត ១០ ឆ្នាំមុន នាងក៏បានរៀបការជាមួយលោក គង់ រ៉ាយុទ្ធ ជាអ្នកជំនួញ ក៏បានបញ្ចប់ជីវិតសិល្បៈ ងាកមកចាប់ការងាររកស៊ីតាមស្វាមីវិញ៕

























Account
Security
Favourite Content