ក្រុមហ៊ុនអាកាសចរណ៍ជាតិកម្ពុជា (Air Cambodia) បានបញ្ជាទិញយន្តហោះ ប្រភេទ Boeing Max 737 ចំនួន ២០ គ្រឿងពីក្រុមហ៊ុនយក្ស Boeing របស់សហរដ្ឋអាមេរិក។ នេះបើតាមសេចក្ដីប្រកាសព័ត៌មានលើវេបសាយរបស់ក្រុមហ៊ុន Boeing។

កាលពីថ្ងៃ ៣ ខែ កុម្ភៈ ឆ្នាំ ២០២៦ ក្រុមហ៊ុនអាកាសចរណ៍កម្ពុជា Air Cambodia បានចុះកិច្ចព្រមព្រៀងក្នុងការបញ្ជាទិញយន្តហោះយន្តហោះដឹកអ្នកដំណើរ ប្រភេទ Boeing Max 737 ពីក្រុមហ៊ុនផលិតយន្តហោះអាមេរិក Boeing ។ តាមរយៈកិច្ចព្រមព្រាងដែលធ្វើឡើងក្នុងអំឡុងព្រិត្តិការណ៍ពិព័រណ៍អាកាសចរណ៍នៅឯប្រទេសសិង្ហបុរី អាកាសចរណ៍ជាតិកម្ពុជា បានសម្រេចទិញយន្តហោះ 737-8 (MAX 8) ចំនួន ១០ គ្រឿងដំបូង និង ១០គ្រឿងបន្ថែមទៀត នាចុងឆ្នាំ ២០២៦។ គួរឱ្យដឹងថា យន្តហោះ 737-8 ឬហៅថា 737 MAX 8 នេះ អាចផ្ទុកអ្នកដំណើរសរុបបានដល់ ១៧៨ នាក់ និងហោះបានចម្ងាយ ៦ ៤៨០ គីឡូម៉ែត្រ។
គួរបញ្ជាក់បន្ថែមថា នេះគឺជាកិច្ចព្រមព្រៀងធំបំផុតរបស់អាកាសចរណ៍ជាតិកម្ពុជាក្នុងការបញ្ជាទិញយន្តហោះខ្នាត single-aisle ហើយនេះក៏ជាលើកដំបូងក្នុងការទិញយន្តហោះពីក្រុមហ៊ុន Boeing ផងដែរ៕



រូបភាព ៖ Fresh News , Air Cambodia, Boeing






















Account
Security
Favourite Content