បេសកកម្មតំណាងជាតិលើឆាកអន្តរជាតិរបស់ប្រតិភូនាវាយុវជនអាស៊ីអាគ្នេយ៍ទាំង ១៦ រូបដែលដឹកនាំ ដោយលោក អួន បឋម ហៅ សាយ បានចាប់ផ្ដើមហើយដោយចេញដំណើរកាលថ្ងៃទី ១៤ ខែមករា ឆ្នាំ ២០២៦។

នាល្ងាចម្សិលមិញ ប្រតិភូនាវាយុវជនអាស៊ីអាគ្នេយ៍កម្ពុជាទាំង ១៦រូប ដែលដឹកនាំដោយប្រធានប្រតិភូលោក អួន បឋម ហៅ សាយ បានចេញដំណើរទៅប្រទេសជប៉ុន ដើម្បីចូលរួមកម្មវិធីនាវាយុវជនអាស៊ីអាគ្នេយ៍ និងជប៉ុន ហៅកាត់ថា SSEAYP លើកទី៤៩ ក្រោយឆ្លងកាត់កម្មវិធីបណ្ដុះបណ្ដាលរយៈពេល ៩៥ ថ្ងៃ។
ការចេញដំណើររបស់យុវជនអាស៊ីអាគ្នេយ៍កម្ពុជាទៅកាន់ប្រទេសជប៉ុននាពេលនេះគឺដើម្បីចូលរួមបង្ហាញសមត្ថភាពពេញលេញរបស់យុវជនកម្ពុជាដែលប្រកបដោយសក្ដានុពល សុជីវធម៌ សីលធម៌ គុណធម៌ ក៏ដូចជាផ្លាស់ប្ដូរវប្បធម៌នៃប្រទេសចូលរួម។





គួរឱ្យដឹងថា ប្រតិភូនាវាយុវជនកម្ពុជាទាំង ១៦ រូបព្រមជាមួយប្រតិភូលោក សាយ នឹងចូលរួមកម្មវិធីនាវាយុវជនអាស៊ីអាគ្នេយ៍ និងជប៉ុន ចាប់ពីថ្ងៃ ១៥ ខែមករា ២០២៦ នៅប្រទេសជប៉ុន និងបន្តដំណើរតាមកប៉ាល់ចេញពីជប៉ុនទៅសិង្ហបុរី មុននឹងធ្វើមាតុភូមិនិវត្តន៍នៅថ្ងៃ ៩ ខែកុម្ភៈ ឆ្នាំ ២០២៦៕
រូបភាព ៖ Sseayp Cambodia Contingent























Account
Security
Favourite Content