មិនបង្អង់យូរ ផលិតកម្ម បារមី បានចេញសេចក្ដីប្រកាសភ្លាមៗលុបបទចម្រៀង «ម្ដងហើយម្ដងទៀត» របស់ យូហៃ និង Gmengz ក៏ព្រោះតែពាក្យពេចន៍ក្នុងបទចម្រៀងមួយនេះ បានធ្វើឱ្យប៉ះពាល់ទៅដល់បងប្អូនសហគមន៍ជនជាតិដើមភាគតិចព្នង។

ទាំងផលិតកម្ម បារមី យូហៃ និង Gmengz បានបង្ហាញទំនួលខុសត្រូវក្នុងនាមជាសិល្បករនៅក្នុងវិស័យចម្រៀងរ៉េប ដោយព្រមទទួលកំហុស និងធ្វើការសូមទោសជាសាធារណៈ បន្ទាប់ពីការប្រើពាក្យពេចន៍នៅក្នុងបទចម្រៀង «ម្ដងហើយម្ដងទៀត» ដែលទើបទម្លាក់ក្ដៅៗកាលពីសប្ដាហ៍មុន បានធ្វើឱ្យប៉ះពាល់ដល់សហគមន៍ជនជាតិដើមភាគតិចព្នង។ បន្ថែមលើការសូមទោសនេះដែរ ខាងផលិតកម្ម បារមី បានសម្រេចលុបវីដេអូបទចម្រៀងខាងលើចេញពីក្នុងហ្វេសបុកផេក ក៏ដូចជាយូធូបឆាណែល ដើម្បីចេញកំណែថ្មី ជាមួយការកែសម្រួលឡើងវិញ ដើម្បីបញ្ឈប់ការរើសអើងគ្រប់រូបភាពដោយចេតនា ឬអចេតនានៅក្នុងសង្គម ជាពិសេសទៅកាន់បងប្អូននៅក្នុងសហគមន៍ជនជាតិដើមភាគតិចព្នង។
ក្រោយការចេញលិខិតផ្លូវការសុំទោស និងទទួលយកកំហុសដែលកើតឡើងដោយអចេតនាគ្រប់ភាគីដែលមានការពាក់ព័ន្ធទាំងអស់បានបង្ហាញការពេញចិត្ត និងការគោរពចំពោះការឆ្លើយតបរហ័ស និងទំនួលខុសត្រូវខ្ពស់របស់ផលិតកម្ម បារមី យូហៃ និង Gmengz។



គួរបញ្ជាក់ឱ្យដឹងថា ពេលនេះបទចម្រៀង «ម្ដងហើយម្ដងទៀត» របស់ យូហៃ ច្រៀងរួមគ្នាជាមួយ Gmengz ត្រូវបានលុបចេញហើយទាំងក្នុង Facebook Page និង YouTube៕
រូបភាព៖ Baramey Production and

























Account
Security
Favourite Content