ប្រកាសខ្លួនជាតារាចម្រៀងឯករាជ្យមិនបានប៉ុន្មានផង អ្នកនាង សុគន្ធ និសា ត្រៀមទម្លាក់បទចម្រៀងថ្មីធ្វើឱ្យអ្នកគាំទ្រទន្ទឹងរង់ចាំព្រោងព្រាត។

នាដើមខែក្រោយ ថ្ងៃ១ ខែ១១ ឆ្នាំ ២០២៤ អតីតតារាចម្រៀងស្រីប្រចាំផលិតកម្មរស្មីហង្សមាស អ្នកនាង សុគន្ធ និសា បានទម្លាក់បទចម្រៀងមួយបទដែលមានចំណងជើងថា «ពេលខ្ញុំដួល អ្នកនៅឯណា»។ បទចម្រៀងមួយនេះជាស្នាដៃដំបូងសម្រាប់អ្នកនាងក្រោយចាកចេញពីទ្រនំចាស់។
ស្របជាមួយការសម្រេចចិត្តក្នុងការចាកចេញ និងប្រកាសខ្លួនជាតារាចម្រៀងឯករាជ្យបានធ្វើឱ្យបណ្ដាអ្នកគាំទ្ររបស់តារាចម្រៀងស្រីសំឡេងស្រទន់រូបនេះហាក់មានការភ្ញាក់ផ្អើលយ៉ាងខ្លាំង ប៉ុន្តែទោះជាយ៉ាងនេះហ្វេនៗរបស់អ្នកនាងនៅតែគោរពការសម្រេចចិត្តមួយនេះ ព្រមទាំងបន្តគាំទ្របើទោះបីជាអ្នកនាងបានក្លាយជា Cambodia independent Singer ក៏ដោយ។



តាមដឹង តារាចម្រៀងស្រគត់ស្រគំរូបនេះធ្លាប់បានសាងកេរ្តិ៍ឈ្មោះតាមរយៈបទចម្រៀងល្បីៗជាច្រើននៅក្នុងផលិតកម្មចំនួនបួន មានដូចជា ផលិតកម្ម រស្មីស្ទឹងសង្កែ , ផលិតកម្ម Spark Music , ផលិតកម្ម ថោន និងចុងក្រោយផលិតកម្ម រស្មីហង្សមាស។
យ៉ាងណាមិញ អ្នកគាំទ្រជាច្រើនរបស់អ្នកនាងកំពុងរង់ចាំទស្សនាស្នាដៃថ្មីរបស់តារាចម្រៀងស្រីរូបនេះដែលនឹងចេញជាផ្លូវការនៅថ្ងៃទី០១ ខែវិច្ឆិកា ឆ្នាំ២០២៤៕

























Account
Security
Favourite Content