ប៉ាន់តែដ៏មានតម្លៃថ្លៃបំផុតរបស់ពិភពលោកមានតម្លៃរហូតដល់ទៅ ៣លានដុល្លារអាមេរិក ហេតុនេះមានន័យគ្មាននរណាម្នាក់ហ៊ាននឹងចង់ប្រថុយប្រថាន យកវាទៅប្រើប្រាស់ ធ្វើឱ្យប្រឡាក់ ឬដាក់តែសម្រាប់ផឹកនោះទេ។
ប៉ាន់តែដែលស្រោបដោយគ្រឿងអលង្ការដ៏អស្ចារ្យនេះ គឺជាកម្មសិទ្ធិរបស់ N Sethia Foundation (UK) ដែលជាអង្គការសប្បុរសធម៌ដែលគាំទ្រដល់ការស្រាវជ្រាវផ្នែកវេជ្ជសាស្ត្រ សិល្បៈ សកម្មភាពយុវជន និងការសង្គ្រោះគ្រោះមហន្តរាយ។
វត្ថុមួយនេះ ត្រូវបានធ្វើដោយដៃសុទ្ធសាធ ចេញពីប្រភេទមាស ១៨ ការ៉ាត់ និងសន្លឹកមាស ដោយអ្នកជំនាញគ្រឿងអលង្ការអ៊ីតាលីលោក Fulvio Scavia។ ចំណែកផ្ទៃខាងក្រៅ ស្រោបដោយពេជ្រទាំងស្រុងបូករួមជាមួយនឹងត្បូងទទឹមទំហំ ៦,៦៧ ការ៉ាត់ ស្ថិតនៅចំកណ្តាលប៉ាន់ជាចំនុចប្រសព្វដ៏ស្រស់ស្អាត។
ប៉ាន់តែ នេះទៀតសោតក៏បានបំបែកឯតទគ្គកម្ម Guinness World Records ហើយត្រូវបានចាត់តាំងជាវត្ថុពិសេស និងគួរឱ្យចាប់អារម្មណ៍មួយផងដែរ។
ទោះយ៉ាងណា បច្ចុប្បន្នប៉ាន់តែនេះគឺជាកម្មសិទ្ធិឯកជន និងរក្សាទុកដោយឯកជនក្នុងទីក្រុងឡុងដ៍។ ទោះបីជាមានការស្នើឱ្យមានការតាំងពិព័រណ៍ជាសាធារណៈយ៉ាងណាក្តី តែគេនៅទាន់ច្បាស់នៅឡើយទេថារឿងនេះអាចនឹងកើតមានឡើង៕





























Account
Security
Favourite Content