មកដឹងប្រវត្តិខ្មៅងងឹតនៃ Gothic Fashion ស្ទីលស្លៀកពាក់បែបខ្មោចដែលកំពុងល្បីម្ដងទៀតក្នុងចំណោមតារាហូលីវូដ

បច្ចុប្បន្ននេះ វិស័យហ្វេសិនកាន់តែមានភាពចម្រុះជាងមុន ខណៈភាពខុសប្លែកមិនត្រូវបានគេរុញចេញទៀតនោះទេ ហើយម៉ាកយីហោសកលជាច្រើនក៏កំពុងបំបែកព្រំដែននៃការបង្កើតស្ទីលសម្លៀកបំពាក់ផ្ទាល់ខ្លួនរបស់ពួកគេ តាមរយៈការនាំយកម៉ូដក្នុងវប្បធម៌ផ្សេងៗមកធ្វើជាគំនិតដើម ឬ inspiration ក្នុងការច្នៃម៉ូដ។ ក្នុងនោះស្ទីលមួយក្នុងចំណោមស្ទីលដែលមានឥទ្ធិពលនាពេលបច្ចុប្បន្នគឺស្ទីល Gothic ដែលអាចនិយាយបានថាមានភាពទាក់ទាញទាំងផ្នែកប្រវត្តិសាស្ត្រ និងសម្រាប់ពេលអនាគត ព្រោះសូម្បីតែតារាកំពុងមានកេរ្តិ៍ឈ្មោះជំនាន់ថ្មីដូចជា Jenna Ortega ក៏បាននាំយក Trend មួយនេះមកបង្អួតនៅលើកម្រាលព្រំក្រហមជាញឹកញាប់ដែរ។

Gothic Fashion គឺ​ជា Fashion ​ដែល​មនុស្ស​ជា​ច្រើន​គិត​ថា​ជា​ម៉ូដបែប​អាថ៌កំបាំង​និង​គួរ​ឲ្យ​ខ្លាច ដែលជារឿយៗត្រូវបានគ្របដណ្ដប់ដោយពណ៌ខ្មៅឬងងឹតៗ មានក្រលាសំបុកពីងពាង និងប្រចៀវ ហើយ​ខ្លះទៀតក៏​មាន​ស្ទីល​តុបតែង​មុខ​​ប្រើ​បបូរ​មាត់​ពណ៌​ស ឬ​ខ្មៅ​ដូច​​បិសាចជញ្ជក់ឈាម។ មែនទែនទៅ Gothic Fashion បានចាប់ផ្តើមតាំងពីសម័យ Victorian (ឆ្នាំ១៨៣៧ដល់១៩០១) ក្នុងអំឡុងពេលដែលមានការស្លាប់ជាញឹកញាប់ ដូច្នេះសម្លៀកបំពាក់ពិធីបុណ្យសពត្រូវបានស្លៀកពាក់នៅក្នុងជីវិតប្រចាំថ្ងៃដើម្បីធ្វើឱ្យការស្លាប់ប្រែក្លាយជារឿងធម្មតា។

Gothic Fashion បាន​បន្តមកដល់​សម័យ​ក្រោយៗទៀត​ ប៉ុន្តែនៅពេលដែលការស្លាប់មិនបានកើតឡើងញឹកញាប់ដូចមុន ហើយសម្លៀកបំពាក់ម៉ូដថ្មីៗបែបធម្មតាបានក្លាយទៅជាសម្លៀកបំពាក់ប្រើប្រាស់ប្រចាំថ្ងៃវិញ សម្លៀក​បំពាក់​ដែល​មើល​ទៅ​ដូច​ជា​ទើប​តែ​ត្រឡប់​មក​ពី​បុណ្យ​សពក៏​ប្រែ​ទៅ​ជាស្ទីល​ចម្លែកវិញ។ ប៉ុន្តែតាមរយៈភាពល្បីល្បាញនៃរឿងកំប្លែងបែបរន្ធត់ “Wednesday” ដែលនិយាយពីរឿងរ៉ាវ The Addams Family ជាគ្រួសារនៅអាមេរិកក្នុងក្រោយសង្គ្រាមដោយមាន Gothic Fashion ជាស្ទីលសំខាន់នៃរឿង ប៉ុន្តែត្រូវបានកែច្នៃឱ្យមានលក្ខណៈទំនើបជាងមុន ក៏បានធ្វើឱ្យ Gothic Fashion ​ត្រលប់​មកទទួលបានការចាប់អារម្មណ៍ខ្លាំងម្ដងទៀត។

Jenna Ortega តួឯកស្រីក្នុងរឿង ‘Wednesday’ ក៏បាននាំយកស្ទីលស្លៀកពាក់បែប Gothic មកប្រើនៅខាងក្រៅរឿងផងដែរ។ នាងបានចូលរួមកម្មវិធីផ្សេងៗជាច្រើនរួមទាំងកម្មវិធី Met Gala ឆ្នាំ ២០២៣ ក្នុងសម្លៀកបំពាក់ Gothic ដែលបានក្លាយជាឈុតដ៏ល្បីប្រចាំឆ្នាំ។

ក្រៅពីនៅលើអ៊ិនធឺណិតឬកម្រាលព្រំក្រហមហើយ នៅលើវេទិកាបង្ហាញម៉ូដយើងក៏អាចមើលឃើញស្ទីលស្លៀកពាក់ Gothic ជាច្រើនដែរ ដូចជា collection សម្រាប់រដូវស្លឹកឈើជ្រុះ/រដូវរងាឆ្នាំ ២០២០ របស់ Gucci ដែលបានរួមបញ្ចូលគ្នានូវម៉ូដបែបសម័យ Victorian សំលៀកបំពាក់ពិធីសាសនា និងម៉ូដទសវត្សរ៍ឆ្នាំ ៧០ បានយ៉ាងល្អឥតខ្ចោះ។

មួយទៀតគឺ Collection រដូវផ្ការីក/រដូវក្តៅឆ្នាំ ២០២៣ របស់ Versace ជាមួយគំនិត Dark Gothic Goddess ដែលលេងម៉ូដជាមួយពណ៌ខ្មៅ និងពណ៌ស្វាយ មានក្រណាត់ប៉ាក់ ក្រណាត់ស្បែក និងស្បៃបាំងមុខកូនក្រមុំ ដែល​តារា​ស្រី​​ Jenna បាន​ជ្រើស​រើសមកពាក់ជាញឹកញាប់។ ក្រៅពីនេះ Collection ឈុតប្រណិត Haute Couture ចុងក្រោយបង្អស់របស់ Zuhair Murad ក៏ត្រូវបានបំផុសគំនិតដោយ Gothic Fashion ដូចគ្នា។

ប្រេនមួយទៀតដែលមិនអាចបំភ្លេចបានដូចគ្នាគឺ Alexander McQueen ដែលបានប្រើម៉ូដ Gothic ជាស្ទីលសំខាន់មួយនៃម៉ាករបស់ខ្លួន ជាមួយការរចនាពោរពេញទៅដោយភាពប៉ិនប្រសប់ ​ធ្វើ​ឱ្យ​មនុស្ស​ចាប់​អារម្មណ៍​​ច្រើន​រហូត​មក​ដល់​ពេល​នេះ​។ ដូច្នេះ អាចនិយាយបានថា Gothic Fashion Trend ទំនងជាស្ថិតនៅយូរអង្វែង និងមិនសាបរលាបងាយៗនោះឡើយ ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

មិនទ្រាំទៀត! ស្រីនោ មកការពារខ្លួនឯងពីការ bully ខណៈហ្វេនៗ-បវរកញ្ញារួមអាជីពនាំគ្នាគាំទ្រ

វប្បធម៌នៃការប្រើប្រាស់ពាក្យពេចន៍បណ្តុះបង្អាប់រូបរាងកាយ ដែលគេចាត់ទុកថាជា ការ bully នៅតែកើតមានឡើងក្នុងសង្គមនាពេលបច្ចុប្បន្ន រួមទាំងវិស័យបវរកញ្ញានៅកម្ពុជាផងដែរ។ កន្លង

ស្ត្រីខ្មែរម្នាក់នេះជាម្ចាស់ quote ក្នុងរឿង «​រាជិនី​សារព័ត៌មាន​» របស់ TVB ហុងកុង

សម្រង់​សម្ដី​របស់​អ្នក​សារព័ត៌មាន​កម្ពុជា​ម្នាក់​ត្រូវ​បាន​ដាក់​បញ្ចូល​នៅ​ក្នុង​​ខ្សែ​ភាពយន្ត​រឿង​«​រាជិនី​សារព័ត៌មាន​» ឬ Queen of News ។ ខ្សែ​ភាព​យន្ត​ដែល​លាត​ត្រដាង​ពី​វិស័យ​សារព័ត៌មាន​មួយ​

បវរកញ្ញា-បុរសឯកកម្ពុជា ២ រូប ឈ្នះជយលាភីពីអន្តរជាតិថែមទៀតហើយ!

បវរកញ្ញា-បុរសឯកកម្ពុជា ២ រូបទៀតរួមមានលោក ធិ ធារ៉ា និង កញ្ញា ម៉ៅ នីង បានសាងមោទនភាពថ្មី សម្រាប់ប្រទេសកម្ពុជាលើឆាកអន្តរជាតិ ក្រោយអ្នកទាំង ២ បានឈ្នះតំណែងជយលាភី

ចាប់ដៃសហការគ្នាម្ដងទៀត! ត្រលប់មកវិញលើកនេះ Kim Woobin និង Suzy សម្ដែងបែបរឿងកំប្លែង

ក្រោយសម្ដែងរឿងរួមគ្នាក្នុងឆ្នាំ ២០១៦ “Uncontrollably Fond” តារាប្រុស Kim Woobin និងតារាស្រី Suzy កាន់តែទទួលបានការចាប់អារម្មណ៍ខ្លាំង។ ប៉ុន្ដែអ្វីដែលធ្វើឲ្យមហាជនហាក់មិនអស់ចិត្ដនោះ គឺចុងបញ្ចប់នៃរឿងមិនបានជួបជុំគ្នា ដែលធ្វើឲ្យអ្នកទស្សនាខ

ស៊ីន ជេននី បកស្រាយរឿងបានទៅដើរលើកម្រាលព្រំក្រហមមហោស្រព Cannes

ឆ្នាំ​នេះ​មហាជន​ពិតជា​ភ្ញាក់ផ្អើល​ពេល​ឃើញ​វត្តមាន​តារា​ស្រី​ជើង​ថ្មី ស៊ីន ជេននី ដែលជា​ប្អូន​ស្រី​របស់​កំពូល​តារា​ស្រី​ប្រចាំ​កម្ពុជា ស៊ីន យូប៊ីន ក៏​បាន​ដើរ​លេង​កម្រាល​ព្រំ​ក្រហម​នៃ​មហោស្រព​ភាព

មិនធម្មតា! សិល្បករខ្មែរប៉ុន្មានរូបនេះ មានវត្តមានក្នុងកម្មវិធីកម្រាលព្រំក្រហមនៅបារាំង

សិល្បករ​វ័យ​​ក្មេង​ច្រើន​រូប​របស់​កម្ពុជា ​បាន​បង្ហាញ​វត្តមាន​នៅ​ក្នុង​​​មហោស្រព​ភាពយន្ត​ Cannes លើក​ទី​៧៧ នៅ​ឯ​ប្រទេស​បារាំង​​។​ នេះ​ជា​មោទកភាពកម្ពុជា ​ចំពោះ​ការ​បង្ហាញ​គ្រាប់​ពេជ្រ​

ចប់មង្គលការ Tempo Tris បង្ហោះសារមានន័យ ដើម្បីបញ្ជាក់ភាពច្បាស់លាស់ចំពោះគូស្នេហ៍

សិល្បករមួយរូបទៀតហើយ ដែលបានដឹកដៃគូស្នេហ៍ចូលរោងជ័យក្នុងឆ្នាំ ២០២៤ នេះ នោះគឺតារាចម្រៀង និងជាអ្នកនិពន្ធទំនុកច្រៀង Tempo Tris ដែល​មាន​ឈ្មោះពិតថា ដួង រស្មី។ មង្គលការ

ស្អាតដូចព្រះនាង! Yoona និង Han SoHee បង្អួតសម្រស់ក្នុងកម្មវិធីមហោស្រពភាពយន្ដ Cannes

នៅថ្ងៃទី ២០ ខែ ឧសភា ឆ្នាំ ២០២៤ តារាសម្ដែងស្រីកូរ៉េល្បី ២ រូបគឺ Yoona និង Han SoHee បានបង្ហាញវត្ដមាននៅក្នុងកម្មវីធីមហោស្រពភាពយន្ដ Cannes លើកទី ៧៧ នៅឯទឹកដីប្រទេស បារាំង។ វត្ដមានរបស់តារាស្រីឆ្នើមទាំងពីរបានក្លាយ

ជីវិតតួស្រីរឿង F4 និងអតីតស្វាមី ក្រោយលែងលះ ប្រែប្រួលខ្លាំងសឹងមិនគួរឱ្យជឿ

យោងតាមប្រភពព័ត៌មាន Nate បានឲ្យដឹងថា ជីវិតរបស់អតីតគូស្វាមីភរិយាកូរ៉េ តារាស្រី Goo HyeSun និងតារាប្រុស Ahn JaeHyun គឺមានការប្រែប្រួលខ្លាំងស្ទើរមិនជឿ ជាពិសេសទាក់ទិននឹងបញ្ហាហិរញ្ញវត្ថុ។ ស្របពេលដែលការរស់នៅប្រចាំថ្ងៃក៏មើលទៅហាក់មានការលំបាក និងស្មុគស្មាញផងដែរ។

តារាចម្រៀង កែវ ច័ន្ទដាលីន ស្អាតខ្លាំងក្នុងពិធីភ្ជាប់ពាក្យលក្ខណៈគ្រួសារ!

អតីតបេក្ខភាព X-Factor Cambodia  រដូវកាលទី១  និងជាអតីតបេក្ខភាព I Am A Singer Cambodia  រដូវកាលទី​២ បានធ្វើឱ្យអ្នកគាំទ្រមានការភ្ញាក់ផ្អើលជាខ្លាំង ក្រោយភ្ជាប់ពាក្យស្ងាត់ៗ