កោះកុងក្រៅ ស្ថិតនៅភូមិជ្រោយប្រស់ ឃុំជ្រោយប្រស់ ស្រុកកោះកុង ខេត្តកោះកុង ត្រូវបានអ្នកទេសចរស្គាល់ថាជាកំណប់សាគរ ដែលមានឆ្នេរខ្សាច់សក្បុស ទឹកថ្លាពណ៌ខៀវស្រងាត់មើលធ្លុះដល់បាត និងសម្បូរទៅដោយ ធនធានធម្មជាតិ ជីវៈចម្រុះផ្សេង។ បើទោះ មានសម្រស់ស្អាតល្អដាច់គេ តែដែនសមុទ្រកោះកុងក្រៅដែលមានឆ្នេរ ៦ មិនទាន់មានអ្នកទេសចរច្រើនប៉ុន្មានទេបានទៅទស្សនាផ្ទាល់ ដ្បិតអីវិធីសាស្ត្រទៅកម្សាន្តចាំបាច់ត្រូវធ្វើឡើងតាមបែបផ្សងព្រេង ចំណែកការផ្សព្វផ្សាយលម្អិតពីកោះដ៏ធំបំផុតមួយនេះនៅមានកម្រិតនៅឡើយ។
កម្មវិធី «វនយាត្រា» ជាកម្មវិធីកម្សាន្តឌីជីថល បែបដំណើរកម្សាន្តផ្សងព្រេង បាននាំអ្នកទស្សនាទៅដល់ ដែនដីកោះកុងក្រៅ ហើយក្នុងបេសកម្មទី៥ តំបន់ទី ៥ ដែលមានឈ្មោះថា «កំណប់សាគរ»។
ក្នុងតំបន់នេះ លោកអ្នកនាងនឹងបានឃើញពីទិដ្ឋភាពដ៏ពិសេសនៃតំបន់កោះកុងក្រៅទាំងមូលតែម្តង ពោលគឺចាប់តាំងពី របៀបរស់នៅ ការប្រកបរបរប្រចំាំថ្ងៃរបស់ប្រជាសហគមន៍ និងម្ហូបអាហារប្រចាំតំបន់របស់អ្នកភូមអាវឡាតាន់ និងប្រជាពលរដ្ឋមួយចំនួនដែលរស់នៅលើឆ្នេរទី ៣ នៃតំបន់កោះកុងក្រៅ។ និយាយដោយឡែក សម្រាប់ទេសចរប៉ងទៅទស្សនាតំបន់មួយនេះ ឬចង់ដឹងថាដើម្បីអាចទៅទស្សនាកោះកុងក្រៅបាន លោកអ្នកត្រូវធ្វើយ៉ាងណា សូមទស្សនាបេសក្ខកម្មរបស់ កម្មវិធី «វនយាត្រា» តំបន់ទី ៥។
ដើម្បីអាចទស្សនាបេសក្ខកម្មរបស់ កម្មវិធី «វនយាត្រា» នៅខេត្តកោះកុង តំបន់កោះកុងក្រៅ ចូលទៅទស្សនាលើទំព័រហ្វេសប៊ុក AMS Infotainment និងទំព័រហ្វេសប៊ុកក្រសួងបរិស្ថានបានផងដែរ៕