ម៉ូដអាវប៉ាក់ស សំពត់ហូល/ផាមួងទៅវត្តបិណ្ឌ១ នេះ ប្រណីត និងសមសួន

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត្ត។

ថ្ងៃពុធ ១ រោចខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃ ១៨ ខែកញ្ញា ឆ្នាំ ២០២៤ គឺជាថ្ងៃដាក់បិណ្ឌ១ ហើយពុទ្ធបរិស័ទបានធ្វើចង្ហាន់នំចំណី បង្អែមចម្អាបទៅវត្ត ដើម្បីប្រគេនដល់ព្រះសង្ឃ ជាការឧទ្ទិសកុសលផលបុណ្យដល់បុព្វការីដែលបានចែកឋានទៅ។

សម្រាប់នារីខ្មែរចាស់ៗតែងតែឲ្យស្លៀកពាក់អាវប៉ាក់ស សំពត់ហូល ផាមួង ឬសំពត់បត់ធម្មតាជាពណ៌ខ្មៅ ឬពណ៌ក្រមៅ ពេលទៅវត្តនាឱកាសពិធីបុណ្យកាន់បិណ្ឌ និងភ្ជុំបិណ្ឌធំនេះតែម្ដង ព្រោះមើលទៅសមរម្យ និងទន់ភ្លន់។ តែសម្រាប់អ្នកមិនទាន់មានប្រភេទសម្លៀកបំពាក់បែបនោះ អាចជ្រើសរើសអាវស សំពត់វែងធម្មតា និងគ្រប់ម៉ូដ កុំឲ្យតែខ្លីលើជង្គង់។

បើប្រិយមិត្តនារីៗចង់បានម៉ូដសម្លៀកបំពាក់ប្រពៃណីខ្មែរ ស្អាតមើលទៅសមសួន អាចមើលតាមតារាស្រីល្បីៗទាំងប៉ុន្មានរូបនេះបាន ដោយពួកគេមានម៉ូដអាវប៉ាក់ សំពត់បទ ព្រមជាមួយផ្កាឈូក ផ្កាម្លិះថ្វាយព្រះ ពេលយកចង្ហាន់ទៅវត្ត។

បុណ្យភ្ជុំបិណ្ឌ ជាពិធីបុណ្យមួយដែលធំជាងគេ នៅក្នុងចំណោមពិធីបុណ្យទាំងអស់ ចំពោះអ្នកកាន់ព្រះពុទ្ធសាសនា។ ពិធីបុណ្យភ្ជុំបិណ្ឌ ដែលប្រារព្ធឡើងរៀងរាល់ថ្ងៃ ១រោច ដល់ថ្ងៃ ១៥រោច ខែភទ្របទ ជាពិធីបុណ្យដែលមានរយៈពេលវែងជាងគេរហូតដល់ ១៥ថ្ងៃ៕ ងាកមកមើលម៉ូដសម្លៀកបំពាក់ ទុកទៅដាក់បិណ្ឌ២ និងបិណ្ឌបន្តបន្ទាប់ទៀត ដូចខាងក្រោមនេះវិញ៖

ប្រាសាទ ដាវីន Miss Universe Cambodia 2024 និងគ្រួសារ