វ៉ាឌី ភាលី បេក្ខភាព The Voice Cambodia រដូវកាលទី៣ ទទួលបានសារលើកទឹកចិត្តពីមេក្រុមរូបស្រស់ ពេជ្រ សោភា ភ្លាម ក្រោយផ្ទុះរឿងជម្លោះក្នុងគ្រួសារជាមួយស្វាមី។ មិនត្រឹមជាគ្រូបង្វឹកម្នាក់សម្រាប់កូនក្រុមរបស់ខ្លួន ពេជ្រ សោភា ជាបងស្រី និងជាអ្នកលើកទឹកចិត្តដ៏ល្អមួយរូបផងដែរ រាល់ពេលកូនក្រុមរបស់ខ្លួនជួបប្រទះបញ្ហា មិនថាម្នាក់ណាក៏ដោយ។

ជាក់ស្ដែងអ្នកនាងបានសរសេរជាសារលើកទឹកចិត្តដល់ វ៉ាឌី ភាលីថា៖«រឹងមាំណាអូន ស្ដាប់អោយបាន អូនមិនបានបាត់បង់មនុស្សស្មោះទេ គេទេជាអ្នកបាត់បង់មនុស្សល្អ ពូកែ ឆ្លាត មួយទៀតដោះលែង ជូនពរគេចុះ យើងអស់កម្មហើយ បងជឿថា ភាលី របស់បងអាចធ្វើបាន អូនមេម៉ាយឥលូវឡូយណាស់ បើចង់យំ យំអោយអស់ ប្រាប់ខ្លួនឯងថា ខ្ញុំជាហើយ ញញឹមដើរទៅមុខជាមួយនិងរឿងថ្មីៗណា»។ បន្ទាប់ពីទទួលបានសារលើកទឹកចិត្តពីសំណាក់មេក្រុម បេក្ខភាព The Voice Cambodia រូបនេះបានឆ្លើយតបទៅវិញថា៖ «អរគុណអ្នកគ្រូដែលតែងផ្ដល់កម្លាំងចិត្តដល់រូបខ្ញុំ គ្រប់ពេលនៅពេលខ្ញុំមិនសប្បាយចិត្តតែងមានវត្តមានបងរហូត»។

យប់មិញនេះដែរ វីដេអូស្វាមីអតីតបេក្ខភាព The Voice Cambodia ដែលបានចុះចោលផ្ទះ និងមិនមានទំនួលខុសត្រូវក្នុងនាមជាស្វាមី ជាឪពុកថែមទាំងលួចមានស្រី និងចោទប្រកាន់ប្រពន្ធថាមិនបានការ មិនមានអេតាស៊ីវិល ទាំងដែលខ្លួនបានរៀបការមានចាស់ទុំដឹងឮទាំងសងខាង ត្រូវបានចែកចាយពេញបណ្ដាញសង្គមហ្វេសបុក។ គ្រាន់តែ វ៉ាឌី ភាលី បង្ហោះ និងរៀបរាប់ពីរឿងគ្រួសារនោះហើយ រូបនាងទទួលបានការលើកទឹកចិត្តពីមហាជនគ្រប់ស្រទាប់វណ្ណៈ ព្រមទាំងអ្នកសិល្បៈរួមអាជីពផងដែរ៕



























Account
Security
Favourite Content