ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
Ray Lui គឺជាតារាសម្ដែងប្រុសហុងកុង ម្នាក់ដែលមានប្រជាប្រិយភាពខ្លាំងក្នុងទស្សវត្សឆ្នាំ ៨០ មកដល់បច្ចុប្បន្នរូបលោកមានវ័យ ៦៦ ឆ្នាំទៅហើយ ប៉ុន្ដែអ្វីដែលធ្វើឱ្យគ្រប់គ្នាហាក់មានការចាប់អារម្មណ៍ខ្លាំងគឺរូបសម្រស់របស់លោកនៅតែមើលទៅវ័យក្មេងខ្លាំងមិនសមជាមួយអាយុរបស់លោកឡើយ។
ថ្មីៗ នេះ លោកបានក្លាយជាប្រធានបទក្នុងបណ្ដាញសង្គម Weibo និងផ្សេងៗទៀត ដោយសារតែវីដេអូរបស់លោកកាលពីពីរឆ្នាំមុនត្រូវបានផ្ទុះសាជាថ្មី។ កាលពីឆ្នាំ ២០២១ រូបលោកបានទៅកាន់កន្លែងមើលថែមនុស្សចាស់មួយកន្លែងនៅហុងកុងដើម្បីសួរសុខទុក្ខគ្រប់គ្នាដែលនៅទីនោះ។
រូបភាពទាំងនោះហាក់ទទួលបានការចាប់អារម្មណ៍ខ្លាំងឡើងវិញដោយសារតែគ្រប់គ្នាបានដឹងថា អ៊ុំប្រុសម្នាក់ដែលបានអង្គុយជិតតារាប្រុស Ray Lui គឺមានអាយុខុសគ្នាជាមួយលោកតែ ២ ឆ្នាំប៉ុណ្ណោះ។ ដោយតារាប្រុស Ray Lui មានអាយុ ៦៤ ឆ្នាំ នាពេលនោះ ហើយអ៊ុំប្រុសម្នាក់នោះគឺមានអាយុ ៦២ ឆ្នាំ។
មហាជនជាច្រើនហាក់មានភ្ញាក់ព្រើតចំពោះរូបសម្រស់ក្មេងជាងវ័យរបស់តារាប្រុស Ray Lui បើប្រៀបធៀបទៅនឹងមនុស្សដែលមានអាយុស្របាលៗ លោក។ ថ្វីបើមានអាយុខុសគ្នាតែ ២ ឆ្នាំ ប៉ុន្ដែតារាប្រុស Ray Lui មើលទៅក្មេងខ្លាំងសឹងមិនគួរឱ្យជឿរហូតដល់អ្នកខ្លះលាន់មាត់សួរពីវិធីថែសម្រស់របស់លោកលើបណ្ដាញសង្គមទៀតផង។
ជាមួយគ្នាដែរ មហាជនជាច្រើនក៏បានលើកឡើងថា ប្រសិនបើមិនដឹងពីអាយុពិតគ្រប់គ្នាគិតថាលោកមានវ័យជាង ៤០ ឬ ៥០ ឆ្នាំប៉ុណ្ណោះ។ បើតាមសម្ដីរបស់តារាប្រុស Ray Lui បានឱ្យដឹងថា រូបសម្រស់របស់លោកនៅក្មេង ព្រោះតែការហាត់ប្រាណទៀងទាត់ និងការយល់ដឹងពីរបៀបរបបនៃការទទួលទានអាហារ លោកមិនមានរូបមន្ដពិសេសអ្វីក្នុងការថែសម្រស់ឡើយ។
គួរបញ្ជាក់ថា លោកក៏ត្រូវបានគេចាត់ទុកថាជាតារាប្រុសហុងកុងដ៏ជោគជ័យម្នាក់ផងដែរ ដោយមិនត្រឹមតែមានភាពល្បីល្បាញ តែថែមទាំងសល់ទ្រព្យសម្បត្ដិក្នុងដៃប្រមាណ ១៥០ លានដុល្លារអាមេរិក៕
Account
Security
Favourite Content