អ្នកស្នេហាវិស័យប្រកួតប្រជែងសម្រស់នៅកម្ពុជាបានដឹងស្រាប់ហើយថា លោកស្រី អ៊ឹម សុគន្ធា ម្ចាស់ MGC ថ្មី បានរៀបចំកម្មវិធី Meet & Greet Miss Grand International និង Miss Grand Cambodia យ៉ាងអធិកអធម នៅផ្សារទំនើប AEON 3 កាលពីថ្ងៃទី១ ខែកុម្ភៈ កន្លងទៅនេះ។
ក្នុងពិធីដ៏ឱឡារិកនេះ Miss Grand International ទាំង៣ រូប រួមមាន Isabella ម្ចាស់មកុដ Miss Grand International 2022, Kansuda Chanakeeree (Mimi) Miss Grand Myanmar 2022 និង ពេជ្រ វត្តីសារ៉ាវឌ្ឍី (Pichy) 5th Runner up Miss Grand International 2022 បានដើរបង្ហាញម៉ូដបង្អួតសម្រស់យ៉ាងស្រស់ត្រកាលនៅកណ្តាលឆាកកម្មវិធី ថែមទាំងបានធ្វើការសំណេះសំណាលជាមួយអ្នកគាំទ្រយ៉ាងសប្បាយរីករាយទៀតផង។
ក្រឡេកទៅមើលសម្រស់ Miss Grand International ទាំង៣រូបវិញ ពិតជាស្រស់ស្អាតខ្លាំងណាស់ក្នុងឈុត Gown ច្នៃឡើងដោយកូនខ្មែរ គឺលោក សួន សុខជា ម្ចាស់ហាង សុខជា កាត់ដេរ។ រីឯ ការផាត់មុខធ្វើសក់ ក៏សុទ្ធសឹងជាស្នាដៃរបស់កូនខ្មែរផងដែរ។
ក្រោយចប់កម្មវិធី កញ្ញា Kansuda Chanakeeree ហៅ Mimi បាន Comment លើការបង្ហោះនាងថា «ខ្ញុំពិតជាចូលចិត្តការផាត់មុខ សក់ និងសម្លៀកបំពាក់នៅកម្ពុជា។ Sokchea Suon Pit Ter Barang Barang»។ ចំណែក ម្ចាស់មកុដ Miss Grand International 2022 ក៏បានលើកសរសើរពីភាពរួសរាយរាក់ទាក់របស់អ្នកគាំទ្រកម្ពុជា និងបានសន្យាថា នឹងវិលមកកម្ពុជាម្តងទៀតនៅពេលក្រោយ។ មិនតែប៉ុណ្ណោះ នាងបានប្រាប់ចំពោះមុខអ្នកគាំទ្រកម្ពុជាថា នាងចង់ទៅទស្សនាប្រាសាទអង្គរវត្ត ព្រោះជាទីកន្លែងដ៏ស្រស់ស្អាតហើយល្បីល្បាញ និងមានតែមួយគត់លើពិភពលោក គឺប្រទេសកម្ពុជា៕

























Account
Security
Favourite Content