ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
Rain ជាកំពូលតារាខេប៉ុបល្បីមួយរូប និងជាតារារៀមច្បងម្នាក់ផងដែរ ប៉ុន្ដែថ្មីៗ នេះ មហាជនមានការភ្ញាក់ផ្អើលខ្លាំងក្រោយរូបលោកឡើងច្រៀងក្នុងកម្មវិធី KCON និងត្រូវបានអ្នកគាំទ្រមានការខឹងសម្បារយ៉ាងខ្លាំងទៅវិញ។ ក្នុងកម្មវិធីនេះដែរ ក៏មានការចូលរួមពីក្រុមតារាល្បីៗ ដូចជា Taemin, IVE, NMIXX, ATEEZ, (G)I-DLE, ITZY, THE BOYZ និង Stray Kids ជាដើម។
មែនទែនទៅ នៅពេលដែលដល់ពេល Rain ត្រូវឡើងច្រៀង អ្នកគាំទ្រទាំងឡាយដែលមានវត្ដមាននៅទីនោះប្រែជាខឹងសម្បារ និងមិនបញ្ចេញសម្រែកគាំទ្រដល់រូបលោកឡើយ។ ជាពិសេស ក្រុមអ្នកគាំទ្រជាច្រើនក៏បានបិទភ្លើង Light Stick របស់ខ្លួន និងផ្ដល់នូវ Black Ocean ទៅដល់តារាចម្រៀង Rain។ ការផ្ដល់ Black Ocean ឬសមុទ្រពណ៌ខ្មៅទៅដល់ចម្រៀងណាមួយគឺបានន័យថា អ្នកគាំទ្រកំពុងតែមិនពេញចិត្តចំពោះតារានោះ និងចង់ព្រមានលែងគាំទ្រផងដែរ។
ចំពោះមូលហេតុដែលក្រុមអ្នកគាំទ្រទាំងអស់ផ្ដល់ Black Ocean ទៅដល់ Rain គឺដោយសារតែការគ្រប់គ្រងមិនល្អចំពោះក្រុមតារាចម្រៀង Ciipher និងធ្វើឱ្យពួកគេត្រូវរំសាយក្រុម។ មិនត្រឹមតែក្រុមចម្រៀង Ciipher ឡើយ Rain ក៏ត្រូវអ្នកគាំទ្រស្ដីបន្ទោសថាជាហេតុផលមួយធ្វើឱ្យក្រុមចម្រៀងបុរសជំនាន់ទី ២ MBLAQ ត្រូវរំសាយចោល និងមិនទទួលការគាំទ្រខ្លាំង។
អ្វីដែលអ្នកគាំទ្រកាន់តែខឹងសម្បារនោះគឺ Rain សុខចិត្តជ្រើសឡើងសម្ដែងខ្លួនឯងក្នុងកម្មវិធី KCON និងមិនផ្ដល់ឱកាសឱ្យក្រុមចម្រៀង Ciipher។ មនុស្សជាច្រើនបានស្ដីបន្ទោសថាលោកគ្មានជំនាញក្នុងការគ្រប់គ្រងតារា និងធ្វើឱ្យអនាគតក្មេងៗ ចំនួន ៧ នាក់របស់ក្រុម Ciipher ត្រូវរលាយអស់។ បើទោះជាកម្មវីធី KCON បានបញ្ចប់ហើយក្ដី ប៉ុន្ដែអ្នកគាំទ្រជាច្រើននៅតែខឹង និងលើកឡើងថា មិនគាំទ្រ Rain ទៀតនោះទេ។
គួរបញ្ជាក់ថា កាលពីថ្មីៗ នេះ ក្រុមហ៊ុនរបស់ Rain បានប្រកាសថា សមាជិក ៤ រូបរបស់ក្រុម Ciipher រួមមានដូចជា Won, Tan, Tag និង Dohwan នឹងចាកចេញពីក្រុម។ ចំណែកសមាជិក ៣ រូបផ្សេងទៀតដែលនៅសេសសល់ HyunBin, Keita និង Hwi នឹងបន្ដសកម្មភាពទោលរបស់ពួកគេ និងអាចចូលរួមជាមួយក្រុមចម្រៀងផ្សេងនាពេលអនាគត ដែលជាហេតុធ្វើឱ្យក្រុមមួយនេះអស់ឱកាសនឹងចេញចម្រៀងរួមគ្នាទៀតហើយ៕
Account
Security
Favourite Content