ទីបំផុតគ្រប់យ៉ាងបានក្លាយជាការពិតហើយ អតីតតារាសម្តែងលោកស្រី អ៊ឹម សុគន្ធា បានក្លាយទៅជាអ្នកគ្រប់គ្រងថ្មីរបស់ Miss Grand Cambodia 2023 ចាប់ពីពេលនេះតទៅ បន្ទាប់ពីលោក Nawat ដែលជាអ្នកគ្រប់គ្រង Miss Grand International បានចុះមកប្រទេសកម្ពុជា និងបានចុះហត្ថលេខា ដើម្បីផ្ទេរសិទ្ធិឱ្យលោកស្រី កាលពីព្រឹកថ្ងៃទី១ ខែកុម្ភៈ ឆ្នាំ២០២៣។
ក្រោយពីចុះហត្ថលេខាបង្ហាញមុខ លោកស្រី អ៊ឹម សុគន្ធា ជាអ្នកគ្រប់គ្រងថ្មីហើយនោះ ក្រុមហ៊ុន HK 7 ក៏បានរៀបចំកម្មវិធី Meet and Greet Miss Grand International និង Miss Grand Cambodia ជាច្រើនជំនាន់យ៉ាងអធិកអធម នៅផ្សារទំនើប AEON 3 ផងដែរ។
ក្នុងរាត្រីដ៏អស្ចារ្យនេះ លោកស្រី អ៊ឹម សុគន្ធា ក្នុងនាមម្ចាស់ Franchises ថ្មី បានបង្ហាញអារម្មណ៍រំភើបក្រៃលែង ដែលក្តីស្រមៃរបស់លោកស្រីបានក្លាយជាការពិត។ លោកស្រីថា ត្រៀមរួចជាស្រេចក្នុងការផលិតកម្មវិធី Miss Grand Cambodia ជំនាន់ថ្មី និងប្តេជ្ញាជ្រោមជ្រែងវិស័យបវរកញ្ញាឱ្យកាន់តែរីកចម្រើន និងធ្វើឱ្យបងប្អូនពេញចិត្តកម្មវីធី Miss Grand Cambodia 2023។ កម្មវិធី Meet and Greet គ្រាន់ជាការចាប់ផ្តើមប៉ុណ្ណោះ ប៉ុន្តែនៅមានព្រឹត្តិការណ៍ពិសេសៗជាច្រើនត្រៀមនឹងកើតឡើងនៅខែមីនា ខាងមុខនេះ។
ដើម្បីជំរុញឱ្យកម្មវីធីប្រកួត Miss Grand Cambodia 2023 កាន់តែមានប្រសិទ្ធភាព លោកស្រីប្តេជ្ញាចិត្តថា នឹងជ្រើសរើសបវរកញ្ញាដែលមានគុណភាព។ តួយ៉ាង សម្រាប់បវរកញ្ញាចាំបាច់ត្រូវតែមានទេពកោសល្យ ភាពឆ្លាតវៃ និងមានភាពក្លាហាន រឹងមាំ ដើម្បីតំណាងឱ្យកម្ពុជាក្នុងការប្រកួតប្រជែងជាមួយកម្មវិធី Miss Grand International។ សម្រាប់បេក្ខភាពដែលមានបំណងចង់ដាក់ពាក្យប្រកួត Miss Grand Cambodia 2023 ត្រូវមានអាយុចន្លោះពី ១៨-២៧ ឆ្នាំ។
សូមជម្រាបថា លោកស្រី អ៊ឹម សុគន្ធា បានចុះកុងត្រារៀបចំកម្មវិធីនេះត្រឹមតែមួយឆ្នាំប៉ុណ្ណោះ។ កត្តាជំរុញចិត្តឱ្យលោកស្រីទិញ Franchises កម្មវិធីនេះ គឺដោយសារលោកស្រីផ្ទាល់ស្រលាញ់ និងពេញចិត្តកម្មវិធីនេះយូរមកហើយ អ្វីដែលពិសេសគឺលោកស្រីចង់លើកមុខមាត់កម្ពុជាលើឆាកអន្តរជាតិ។ ម៉្យាង លោកស្រីចង់ជំរុញស្រ្តីកម្ពុជា ឱ្យបញ្ចេញភាពក្លាហានរបស់ពួកគេលើឆាកអន្តរជាតិ និងប្រាប់ឱ្យពិភពលោកថា កម្ពុជាប្រាកដជាធ្វើបាន ហើយលោកស្រីក៏ចង់បញ្ចេញស្នាដៃរបស់ខ្លួនឯងផ្ទាល់ថាកម្មវិធី Miss Grand Cambodia 2023 នឹងមានការអភិវឌ្ឍកម្រិតណា៕

























Account
Security
Favourite Content