ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
ពិព័រណ៍កេសរកូល ដើម្បីអបអរសាទរ «វេទិកាកេសរជាតិលើកទី៣» និងការប្រកាសដាក់ឱ្យប្រើប្រាស់ជាផ្លូវការនូវ «សៀវភៅមគ្គទេសក៍ស្តីពីបន្លែនៅប្រទេសកម្ពុជា» ក្រោមអធិបតីភាព ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងជាប្រធានក្រុមប្រឹក្សាជាតិអភិវឌ្ឍន៍ចីរភាព បានកំពុងត្រៀមរៀបចំឡើងរយៈពេល ៣ ថ្ងៃ ចាប់ពីថ្ងៃទី៧ ដល់ថ្ងៃទី៩ ខែមេសា ឆ្នាំ២០២៣ នៅទីតាំងផ្សារទំនើប Aeon1 រាជធានីភ្នំពេញ។ ខណៈពិព័រណ៍កេសរកូល កាន់តែខិតជិតដល់ សិល្បករ-សិល្បការិនីល្បីៗជាច្រើនរូប បានបង្ហាញចំណូលចិត្ត និងអត្ថប្រយោជន៍នៃការបរិភោគបន្លែផ្សេងៗគ្នាយ៉ាងដូច្នេះថា៖
លោក ថមមី៖ «ចង់ជម្រាបជូនបងប្អូនថា ទាក់ទងមួយបន្លែបងប្អូនគ្រប់គ្នាគួរតែញ៉ាំឱ្យបានទៀងទាត់ ព្រោះបន្លែសម្បូរដោយវីតាមីនច្រើន ជួយដល់សារពាង្គកាយរបស់យើង ពិសេសដេញជាតិពុលចេញមក ហើយមានបន្លែមួយចំនួនជំនួយដល់ភ្នែក ប្រព័ន្ធខួរក្បាល។ ដូចជាការ៉ុតគឺជួយដល់ភ្នែក បន្លែបៃតងជួយឱ្យសារព្រាងកាយយើងមានសុខភាពល្អបណ្តេញជាតិពុល អ្វីដែលពិសេសជួយគាំទ្រដល់បន្លែខ្មែរយើង ព្រោះឥឡូវវិស័យកសិកម្មគឺជាការចាំបាច់។ អ៊ីចឹង បើយើងជួយគាំទ្រដល់វិស័យកសិកម្មដូចជាបន្លែរបស់យើង វាស្មើនិងយើងចូលរួមចំណែកកសាងប្រទេសយើងឱ្យរីកចម្រើនផងដែរ។ ខ្ញុំសុំណែនាំបងប្អូនឱ្យញ៉ាំបន្លែឱ្យបានច្រើន ជៀសវាងប្រភេទខ្លាញ់ និងសាច់ច្រើនពេក ហើយមួយទៀតបើជៀសបានក៏ជៀសទៅប្រភេទអាហារដែលនាំចូលពីក្រៅប្រទេសច្រើនពេក ញ៉ាំរបស់ក្នុងស្រុកយើងច្រើនល្អ!»។
កញ្ញា ពេជ្រ ចរណៃ៖ «សម្រាប់ខ្ញុំគឺចូលចិត្តញ៉ាំបន្លែខ្លាំងមែនទែន ដោយសារទី១ខ្ញុំជាអ្នកលេងកីឡាស្រាប់ ហើយខ្ញុំឆេកមើលទៅលើសាច់ និងប្រភេទបន្លែណាខ្លះដែលជួយដល់សុខភាព។ មែនទែនទៅឱ្យតែប្រភេទបន្លែគឺជួយដល់សុខភាពយើងច្រើនមែនទែន ហើយសម្រាប់ខ្ញុំគិតថា បងប្អូនទាំងអស់គ្នាគួរតែទទួលទាន និងបរិភោគបន្លែឱ្យបានច្រើន»។
តារា Tik Tok ធុងប៉េត្រូ៖ «បើបងប្អូនចូលចិត្តហូបសាច់ហើយអត់ហូបបន្លែ គឺដឹងតែខ្វះវីតាមីនហើយ! បន្លែ គឺវីតាមីនច្រើនមែនទែន បន្លែបៃតងជំនួយដល់សរីរាង្គយើងជាច្រើន និយាយជារួមទៅគឺញ៉ាំបន្លែឱ្យបានច្រើន ព្រោះពេលបងប្អូនញ៉ាំបន្លែគឺវាជ្រាបចូលទៅសរីរាង្គរបស់យើង បង្កើនការចងចាំ និងជួយដល់ភ្នែក។ សម្រាប់ខ្ញុំគឺខ្ញុំចូលចិត្តញ៉ាំបន្លែទើបខ្ញុំឆ្លាត!»។
កញ្ញា កែវ សុបញ្ញា៖ «ប៉ះចំអ្នកចូលចិត្តញ៉ាំបន្លែតែម្តង! សម្រាប់មតិខ្ញុំ គឺខ្ញុំចង់ឱ្យបងប្អូនយើងគាំទ្រផលិតផលរបស់ខ្មែរ ជាផលិតផលដែលអត់នាំទំនិញចូលពីក្រៅ គឺអ្វីដែលជារបស់ខ្មែរយើងសុទ្ធៗពិតៗតែម្តង។ បើនិយាយពីអត្ថប្រយោជន៍វិញ គឺថែរក្សារាង ថែរក្សាសម្រស់ ហើយមួយទៀតយើងអាចបរិភោគបន្លែផ្លែឈើឱ្យបានច្រើនគឺជួយសុខភាព និងទ្រទ្រង់រាងកាយយើងប្រចាំថ្ងៃផងដែរ»។
លោក ហង្ស សម្បើមស័ក្តិ៖ «និយាយាទៅបន្លែគឺពិតជាសំខាន់ សម្រាប់សុខភាពរបស់យើង ប្រសិនបើយើងធ្វើការជ្រើសរើសបន្លែសម្បូរទៅដោយវីតាមីន ប្រូតេអ៊ីន នៅពេលយើងទទួលទានរៀងរាល់ថ្ងៃគឺធ្វើឱ្យសុខភាពរបស់ទទួលបានរាងកាយរឹងមាំ ព្រោះយើងដឹងស្រាប់ហើយការទទួលទានអាហារគឺយើងចាំបាច់បំផុតត្រូវតែគិត ព្រោះមុខម្ហូបខ្លះសម្បូរទៅដោយសារធាតុខ្លាញ់ និងសារធាតុផ្សេងៗដែលប៉ះពាល់ដល់សុខភាព តែក៏ទទួលស្គាល់ថាវាឆ្ងាញ់ទទួលទានហើយចង់ទទួលទានទៀត។ ប៉ុន្តែយើងត្រូវតែធ្វើការកាត់បន្ថយហើយងាកមកញ៉ាំបន្លែធម្មជាតិឱ្យបានច្រើន។ មួយវិញទៀត ការញ៉ាំបន្លែធម្មជាតិឱ្យបានច្រើនក៏ដូចជាជួយលើកស្ទួយបងប្អូនកសិករបងប្អូនខ្មែរ ដែលគាត់ប្រកបរបរដាំដុះតាមតំបន់ផ្សេងៗ បើយើងមានបន្លែខ្លនឯងតែយើងមិនសូវគាំទ្រ អ៊ីចឹង ពួកគាត់ដាំហើយអត់ដឹងថាយើងទៅចែកចាយនៅកន្លែងណាទេ តែប្រសិនយើងជួយគាំទ្រផលិតផលក្នុងស្រុក មិនថាបន្លែ ឬប្រភេទដំណាំហូបផ្លែផ្សេងៗ គឺនឹងជួយលើកស្ទួយឱ្យកសិករ និងវិស័យដាំដុះនៅក្នុងប្រទេសកម្ពុជាមានការរីកចម្រើន»។
Account
Security
Favourite Content