ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
កាលណាគេនិយាយដល់អ្នករុករក គេតែងនឹងឃើញដល់ក្រុមមនុស្សស្បែកស និងច្រមុះស្រួច។ ពេញមួយប្រវត្តិសាស្ត្រនៃប្រទេសលោកខាងលិចគឺពោរពេញទៅដោយអ្នករុករកល្បីល្បាញជាច្រើន ឯមួយចំនួនធំក៏បរាជ័យ និងបាត់ខ្លួនយ៉ាងអាថ៌កំបាំងបំផុត នៅក្នុងមហាសមុទ្រ ផ្លូវសូត្រ និងព្រៃអាម៉ាហ្សូនជាដើម។ ខាងក្រោមនេះជាអ្នករុករកដ៏ល្បីល្បាញ ៥រូបដែលបានបាត់ខ្លួនយ៉ាងអាថ៌កំបាំង និងគ្មាននរណាម្នាក់អាចមកស្រាយចម្ងល់ទាំងនោះបាន។
Fawcett បាត់ខ្លួនក្នុងដំណើររុករកទីក្រុងអាថ៌កំបាំងក្នុងព្រៃអាម៉ាហ្សូន
Col. Percy Harrison Fawcett គឺជាអ្នករុករកជនជាតិអង់គ្លេសដែលបានបាត់ខ្លួនក្នុងព្រៃអាម៉ាហ្សូន។ មុនពេលបាត់ខ្លួន នៅដើមសតវត្សទី២០ លោក Fawcett ធ្លាប់បានធ្វើបេសកកម្មជាច្រើនទៅកាន់ព្រៃ អាម៉ាហ្សូន ជាពេលដែលលោកប្រទះឃើញឯកសារព័រទុយហ្គាល់មួយដែលរៀបរាប់លម្អិតពីការរកឃើញនៃ «ទីក្រុងដ៏ធំ លាក់កំបាំង និងបុរាណបំផុត គ្មានមនុស្សនៅ ត្រូវបានរកឃើញនៅឆ្នាំ ១៧៥៣»។ ឯកសារនោះបានបញ្ជាក់អំពីប្រាសាទបុរាណដែលលាក់ខ្លួននៅក្នុងព្រៃ Mato Grossoដែលជាផ្នែកមួយនៃអាម៉ាហ្សូន។
មិនបង្អង់យូរ Fawcett ភ្លាមៗបានសម្រេចចិត្តស្វែងរកប្រាសាទដែលគាត់បានដាក់ឈ្មោះថា Lost City of Z។ បន្ទាប់ពីការប៉ុនប៉ងលើកទី១បរាជ័យ លោក Fawcett និង Jack កូនប្រុសរបស់លោក និងកូនប្រុសមិត្តភ័ក្ដិលោក Raleigh Rimell បូករួមនឹងសមាជិក ២រូបទៀតបានចេញដំណើរចូលទៅក្នុងព្រៃនៃប្រទេសប្រេស៊ីលតែម្ដងក្នុងឆ្នាំ ១៩២៥។ ពេលចូលទៅដល់ពួកគេបានសរសេរបណ្ដាំចុងក្រោយនៅថ្ងៃទី ២០ ឧសភាឆ្នាំ ១៩២៥ ផ្ញើតាមសមាជិក ២នាក់ទៀតជាជនជាតិប្រេស៊ីលទៅផ្ទះថា «អ្នកមិនត្រូវខ្លាចភាពបរាជ័យឡើយ» បន្ទាប់មកពួកគេបានបាត់ដំណឹងឈឹងតែម្ដង។
ការបាត់ខ្លួនដ៏អាថ៌កំបាំងរបស់ពួកគេបន្សល់ជាចម្ងល់ឲ្យអ្នករុករកជំនាន់ក្រោយកាន់តែចង់ដឹង។ មួយទសវត្សក្រោយ ឆ្នាំ ១៩៣០ អ្នកកាសែតម្នាក់ដើរតាមកន្លង Fawcett ក៏បានបាត់ខ្លួនក្នុងព្រៃនោះ ដូចទៅនឹងក្រុមអ្នកប្រមាញ់ជនជាតិស្វីសក៏បានបាត់ខ្លួនដូចគ្នា។ ចុងក្រោយគ្មានរបាយការណ៍ណាអាចបកស្រាយពីបាត់ខ្លួនដ៏អាថ៌កំបាំងរបស់អ្នករុករកទាំងនេះឡើយ សូម្បីសាកសពក៏គ្មានថ្ងៃអាចរកឃើញត្រលប់មកផ្ទះវិញដែរ។
ការបាត់ខ្លួនដ៏ចម្លែករបស់ Amelia Earhart
Amelia Earhart អ្នករុករកស្ត្រីដ៏ល្បីល្បាញបំផុតម្នាក់លើពិភពលោក។នាងគឺជាស្ត្រីដំបូងគេដែលហោះហើរទោលឆ្លងកាត់មហាសមុទ្រអាត្លង់ទិច និងជាមនុស្សស្រីដំបូងគេដែលហោះហើរពីហាវ៉ៃទៅកាន់រដ្ឋកាលីហ្វ័រញ៉ា។ ហើយការបាត់ខ្លួនរបស់នាង គឺជាការហោះហើរជុំវិញពិភពលោករបស់នាងក្នុងឆ្នាំ ១៩៣៧។ នាមចេញដំណើរពីទីក្រុងម៉ៃអាមីនៅថ្ងៃទី ១ ខែមិថុនា ឆ្នាំ១៩៣៧ អមដំណើរដោយអ្នករុករកដែលមានបទពិសោធន៍ក្រាស់ក្រែលម្នាក់ឈ្មោះ Frederick Noonan ។
ជើងទីមួយនៃការធ្វើដំណើរចម្ងាយគឺរយៈចម្ងាយ ២មុឺន ៩ពាន់ម៉ាយ គឺមានស្ថានភាពពិបាក ប៉ុន្តែការហោះហើរជើងប៉ាស៊ីហ្វិកប្រវែង 2556ម៉ាយពី New Guinea ទៅកោះ Howland ពិបាកជាងគេបំផុត។ ពីលើអាកាសមក Earhart បានផ្ដល់សញ្ញាតាមវិទ្យុ ថានាងមើលមិនឃើញកោះនេះទេ ហើយសាំងកំពុងមានតិចទៅទៀត បន្ទាប់មកក៏ស្ងាត់បាត់ដំណឹងនាងឈឹង។
ក្នុងឆ្នាំ ១៩៤០ គេបានរកឃើញ និងធ្វើកោសល្យវិច័យទៅលើឆ្អឹងនៅលើកោះ Nikumaroro បានបង្ហាញថាជាឆ្អឹងរបស់អាកាសយានិក។ តាមវិមាត្រនៃរាងកាយ តាមរូបថត និងសំលៀកបំពាក់របស់ Earhart ការប្រស៊ីគ្នានឹងគ្រោងឆ្អឹងនោះ។ តែជាអកុសល ឆ្អឹងនោះត្រូវបានបាត់ ដូច្នេះការធ្វើតេស្ត DNA មិនអាចធ្វើបាន។ ក្រុមអ្នកស្រាវជ្រាវនៅតែបន្តតាមតម្រុយផ្សេងៗ ចាប់តាំងពីលលាក្បាល និងបំណែកយន្តហោះដើម្បីបកស្រាយនូវអាថ៌កំបាំងនៃការបាត់ខ្លួនរបស់នាង។
Franklin បាត់ខ្លួនក្នុងដំណើរស្វែងរក «ផ្លូវពាយ័ព្យ»
អ្នករុករករបស់ចក្រភពអង់គ្លេសលោក John Franklin បានចាកចេញចេញពីប្រទេសអង់គ្លេសក្នុងឆ្នាំ ១៨៤៥ ជាមួយនឹងសមាជិក ១២៩នាក់ រួមទាំងប៉ូលិស ក្នុងគោលដៅស្វែងរកផ្លូវពាយ័ព្យ។ កប៉ាល់របស់ពួកគេចេញដំណើរពីអាត្លង់ទិចទៅប៉ាស៊ីហ្វិក កាត់តាមកាណាដា។ សមាជិកនីមួយៗសុទ្ធតែជាមនុស្សមានជំនាញខ្ពស់ បំពាក់ដោយឧបករណ៍ទំនើបៗបំផុតនាសម័យនោះ ព្រមជាមួយនឹងស្បៀងសម្រាប់រយៈពេល ៣ឆ្នាំ។ តែទោះយ៉ាងណាក្រុមដែលដឹកនាំដោយ Franklin មិនត្រឹមរកផ្លូវពាយ័ព្យមិនឃើញ ថែមទាំងជាប់កប៉ាល់ក្នុងមហាសមុទ្រអាកទិចដ៏វេទនាបំផុតនៅកាណាដា។ សមាជិក២៤នាក់ស្លាប់ភ្លាមៗ រួមទាំងនាវិក (Captain)។ ក្រោមមកនាវិកថ្មីឈ្មោះ Francis Crozier ត្រូវបានតែងតាំងភ្លាម តែមិនបានប៉ុន្មាន ស្រាប់តែភ្លាមផ្ដាច់ខ្លួន រត់ចេញពីកប៉ាល់ជាមួយសមាជិកដែលនៅសេសសល់ទៅរកដីគោក។
មកទល់បច្ចុប្បន្ន សាកសព ២-៣ ប៉ុណ្ណោះរបស់ក្រុមអ្នករុករកទាំងអស់នេះត្រូវបានរកឃើញ រួមជាមួយជំរំដែលបោះបង់ចោល ស្លាបព្រាប្រាក់ និងបំណែកអាវកប្បាស ខណៈពេលដែលបំណែករាងកាយរបស់ពួកគេភាគច្រើនមានស្នាមកាំបិតដែលអ្នកវិទ្យាមិនទាន់អាចបកស្រាយបានពីអាថ៌កំបាំងក្រោយការស្លាប់របស់ពួកគេ។
Mallory បាត់ខ្លួនតាមប្រិលក្នុងដំណើរឡើងកំពូលភ្នំ Everest
ពាក្យថាក្ដីសង្ឃឹមនៃពិភពលោក និងអ្នកឡើងភ្នំលំដាប់ពិភពលោក ជាអម្រែកលើស្មារបស់ Mallory ពេលដែលគាត់ចាប់ផ្ដើមឡើងភ្នំ Everest លើកទី៣ ក្នុងឆ្នាំ ១៩២៤។ អ្នករុករកជនជាតិអង់គ្លេសរូបនេះធ្លាប់ឡើងបានកម្ពស់ជាង ៨ពាន់ម៉ែត្រក្នុងឆ្នាំ ១៩២២ ចំណែកលើកទី៣ រូបគេប៉ុនប៉ងឡើងឲ្យដល់កំពូលភ្នំ Everest។
នៅថ្ងៃទី ៨ខែមិថុនា Mallory និងដៃគូវ័យក្មេងរបស់គាត់គឺ Sandy Irvine បានចាប់ផ្ដើមនូវអ្វីដែលពួកគេសង្ឃឹមចុងក្រោយ។ តែជាអកុសល មានអ្នកឡើងភ្នំម្នាក់បានប្រទះឃើញពួកគេនៅចំណុចខ្មៅមួយដែលមានកម្ពស់ប្រហែល ៨០០ ហ្វីតនៅពីក្រោមកំពូលភ្នំ។ បន្ទាប់មកមានព្រិលធ្លាក់ចូល ហើយ Mallory និង Irvineបានបាត់ខ្លួនទាំង ២នាក់។
កន្លងផុតទៅ ៧៥ឆ្នាំ ពោលគឺនៅឆ្នាំ ១៩៩៩ អ្នកឡើងភ្នំម្នាក់មានឈ្មោះថា Conrad Anker បានរកឃើញសាកសពទឹកកករបស់ Mallory នៅកម្ពស់ 26,760 ហ្វីតនៅភាគខាងជើងនៃភ្នំ ចំណែកសាកសពរបស់ Irvine មិនត្រូវបានរកឃើញមកទល់បច្ចុប្បន្ន៕
Account
Security
Favourite Content