ប៉ូលីសបានឃាត់ខ្លួននារីជនជាតិចិនម្នាក់ ក្រោយអ្នកគាំទ្ររូបនេះបានព្យាយាមលួចចូលទៅក្នុងផ្ទះរបស់ Jungkook នៅយប់តែមួយ ក្នុងថ្ងៃដែលសមាជិក BTS រូបនេះទើបតែបញ្ចប់ភារកិច្ចក្នុងជួរទាហាន។

យោងតាមការចុះផ្សាយរបស់សារព័ត៌មាន MBN ប៉ូលីសបានរាយការណ៍ថា កាឃាត់ខ្លួននេះកើតឡើងក្នុងបទប៉ុនប៉ងរំលោភបំពាន ដោយនារីវ័យប្រមាណ ៣០ឆ្នាំរូបនេះ បានព្យាយាមចូលផ្ទះរបស់តារាប្រុសវ័យ ២៧ឆ្នាំនៅក្នុងតំបន់ Yongsan-gu ទីក្រុងសេអ៊ូល។
ហេតុការណ៍នេះបានកើតឡើងនៅម៉ោង ១១:២០ នាទីយប់ ក្នុងថ្ងៃទី១១ ខែមិថុនា ដោយមានអ្នកជិតខាងម្នាក់បានរាយការណ៍ពីការព្រួយបារម្ភអំពីសុវត្ថិភាពកាន់ប៉ូលីស ក្រោយមាននារីមិនបញ្ចេញអត្តសញ្ញាណរូបនោះ បានព្យាយាមដោះលេខកូដទ្វារសុវត្ថិភាពរបស់ផ្ទះតារាប្រុសជាច្រើនដង។

ឆ្លើយតបនឹងការសួរចម្លើយរបស់ប៉ូលីស នារីរូបនេះបានរៀបរាប់ពីមូលពីក្រោយការបំពាននេះថា ខ្លួនធ្វើនេះ ព្រោះចង់ជួបនឹង Jungkook បន្ទាប់ពីតារាប្រុសក្នុងដួងចិត្តបានបញ្ចាប់ការងារក្នុងជួរយោធាហើយ។ ជាក់ស្ដែង ម្ចាស់អាល់ប៊ុម Golden រូបនេះ ពិតជាទើបតែបញ្ចប់ភារកិច្ចរបស់ខ្លួនក្នុងថ្ងៃតែមួយពិតមែន ក្រោយពីបានចុះឈ្មោះចូលបម្រើជាតិតាំងតែពីខែធ្នូ ឆ្នាំ ២០២៣ មកម៉្លេះ។
គួរឱ្យដឹងផងដែរថា ដ្បិតមានការឃាត់ខ្លួនជនដៃដល់ទៅហើយក្ដី តែព័ត៌មានលម្អិតពីការដាក់ទោស ឬដំណោះស្រាយទៅលើរឿងនេះ នៅមិនទាន់បានផ្សព្វផ្សាយនៅឡើយ៕
























Account
Security
Favourite Content