យោងតាមការចុះផ្សាយរបស់កាសែត OSEN នៅថ្ងៃទី២២ ខែមេសានេះ តារាស្រីស្រីកូរ៉េខាងត្បូង YoonA បានជូនកាដូជាម៉ាស៊ីនម៉ាស្សាដល់ក្រុមការងាររឿង The Tyrant’s Chef ដែលជាភាពយន្តភាគថ្មីរបស់ខ្លួន អមជាមួយសំបុត្របង្ហាញពីការដឹងគុណ សរសេរដោយដៃនាងផ្ទាល់។

ជាក់ស្ដែង សមាជិកក្រុម Girls’ Generation រូបនេះ បានជូនម៉ាស៊ីនម៉ាស្សាយីហោ Pulio ទៅកាន់ក្រុមការងារគ្រប់រូប ដោយការជូនកាដូលើកនេះ តារាស្រីវ័យ ៣៤ឆ្នាំ បានចំណាយប្រាក់រហូតដល់ទៅ ៣០លានវ៉ុន ឬប្រមាណ ២១ ០០០ ដុល្លារអាមេរិក។
ទន្ទឹមគ្នានេះ តួឯកស្រីក៏បានសរសេរសំបុត្របង្ហាញពីការអរគុណចំពោះក្រុមការងារផងដែរថា៖ “ខ្ញុំបានរៀបចំកាដូនេះ ដោយសង្ឈឹមថានឹងអាចជួយសម្រាលភាពនឿយហត់របស់អ្នក។ ទោះបីជាវាបន្តិចបន្តួចក្ដី តែវានឹងអាចឱ្យយើងធ្វើការងារនេះដល់ទីបញ្ចប់បានយ៉ាងរឹងមាំ។ សូមថែរក្សាសុខភាពផង និងខិតខំឱ្យអស់លទ្ធភាពសម្រាប់ការងារដែលនៅសេសសល់។ Im YoonA កំពុងតែលើកទឹកចិត្តអ្នកទាំងអស់គ្នា”។
នេះមិនមែនជាលើកដំបូងនោះទេសម្រាប់ YoonA ព្រោះថាពីមុនមក តារាពហុជំនាញរូបនេះក៏ធ្លាប់បានទិញអំណោយ និងសរសេរសំបុត្រដោយដៃជូនដល់ក្រុមការងារផលិតរឿង ដូចជា Hush, King of Land និងរឿងកុនដូចជា The Devil’s Deal ផងដែរ។
គួរឱ្យដឹងដូចគ្នាថា The Tyrant’s Chef ជាភាពយន្តភាគដែលផ្អែកលើរឿងប្រលោមលោក ដោយភាពយន្តដែលនឹងចាក់ផ្សាយនៅលើទូរទស្សន៍ tvN ក្នុងឆ្នាំ ២០២៥នេះ មានសាច់រឿងតាមជាប់ជីវិតរបស់ចុងភៅស្រី Youn Ji Young ដែលបានជួបរឿងអភិនីហារឆ្លងពេលវេលាទៅកាន់អតីតកាលជាង ៥០០ឆ្នាំមុន ចូលទៅរស់នៅក្នុងរាជវាំងរបស់រាជរង្ស Joseon៕
























Account
Security
Favourite Content