នៅថ្ងៃទី៤ ខែមេសានេះ ផលិតកម្ម SM Entertainment បានប្រកាសជាផ្លូវការថា Wendy និង Yeri សម្រេចមិនបន្តកិច្ចសន្យាផ្ដាច់មុខជាមួយនឹងក្រុមហ៊ុនទៀតទេ តែតារាស្រីទាំងពីរនៅតែបន្តរួមការងារជាសមាជិកក្រុម Red Velvet ដដែល។


នៅក្នុងសេចក្ដីប្រកាសជាផ្លូវការ ទីភ្នាក់ងារនេះបានរៀបរាប់ថា៖ “យើងសូមជម្រាបដល់សាធារណជនថា កិច្ចសន្យារបស់យើងជាមួយ Wendy និង Yeri បានមកដល់ទីបញ្ចប់ហើយ។ ចាប់តាំងពីរការបង្ហាញវត្តមានដំបូងជាសមាជិកក្រុម Red Velvet, Wendy និង Yeri បានចូលរួមបំពេញកិច្ចការយ៉ាងសកម្មមិនត្រឹមតែជាសមាជិកក្រុមនោះទេ ថែមទាំងជាសិល្បករទោលក្នុងផ្នែកផ្សេងៗទៀតផងដែរ”។
“ពេលវេលាដែលយើងបានចំណាយរួមគ្នាជាមួយ Wendy និង Yeri គឺជាប្រភពនៃសេចក្ដីសុខសម្រាប់ពួកយើង។ យើងនៅតែរីករាយជាមួយនឹងពេលវេលាទាំងនោះ និងនៅតែបន្តគាំទ្រចំណោះការចាប់ផ្ដើមថ្មីរបស់ Wendy និង Yeri យ៉ាងពេញទំហឹង” SM បន្តដូច្នេះ។
ខុសពី Seulgi, Irene និង Joy ដែលសម្រេចចិត្តចុះកុងត្រាជាថ្មី ដ្បិតដូច្នេះក្ដី តារាស្រីទាំងពីររូបនេះក៏នៅតែមានឈ្មោះជាសមាជិកក្រុម Red Velvet ដដែល ដោយក្រុមហ៊ុនក៏បានអំពាវនាវឱ្យមហាជន នៅតែបន្តគាំទ្រដល់ក្រុមនារីទាំង ៥រូបនេះតទៅមុខទៀត។

សូមរំឭកផងដែរថា Wendy បានចូលរួមជាសមាជិកក្រុម Red Velvet នៅក្នុងឆ្នាំ ២០១៤ ដោយតារាស្រីវ័យ ៣១ឆ្នាំរូបនេះ ក៏បានចាប់ឱកាសធ្វើជាតារាចម្រៀងទោល និងអ្នកសម្របសម្រួលកម្មវិធីវិទ្យុផងដែរ។ រីឯ Yeri វិញ តារាស្រីវ័យ ២៦រូបឆ្នាំនេះ បានចូលជាសមាជិកក្រុមនៅក្នុងឆ្នាំ ២០១៥។ ក្រៅពីនាមជាអ្នកចម្រៀង នាងក៏មានឈ្មោះជាអ្នកនិពន្ធចម្រៀង តួសម្ដែង និងពិធីការិនីផងដែរ៕























Account
Security
Favourite Content