ក្នុងមួយរយៈចុងក្រោយនេះសមាជិក T-ara ហាក់មិនសូវមានសំណាងល្អប៉ុន្មាននោះទេ ដោយពួកគេម្នាក់ៗចាប់ផ្ដើមជួបរឿងសោកសៅ ខកចិត្ត និងខកបំណងជាច្រើនបន្ដបន្ទាប់គ្នា។ ជាក់ស្ដែងថ្មីៗនេះ Jiyeon ទើបប្រកាសដំណឹងអាក្រក់មួយដោយនាងបានបញ្ចប់ជីវិតអាពាហ៍ពិពាហ៍ជាមួយស្វាមីជាផ្លូវការក្រោយរៀបការបាន ២ ឆ្នាំ។

លុះដល់ថ្ងៃទី២៧ ខែវិច្ឆិកា Mask Studio ភ្នាក់ងាររបស់ Ham Eunjung សមាជិកម្នាក់ទៀតរបស់ T-ara បានចេញសេចក្ដីប្រកាសអំពីដំណឹងដ៏ក្រៀមក្រំដោយម្ដាយរបស់នាងបានទទួលមរណភាព ខណៈនាងកំពុងថតកម្មវិធីកម្សាន្ដមួយនៅក្នុងប្រទេសវៀតណាម។ យោងតាមសារព៍ត៌មាន K-entertainment News បន្ទាប់ពីបានទទួលបានរន្ធត់ចិត្តហើយ នាងបានផ្អាកការងារក្នុងដៃ និងវិលត្រលប់មកប្រទេសកូរ៉េភ្លាមៗ។
មិនត្រឹមតែតារាស្រីរូបនេះនោះទេ សូម្បីតែអ្នកគាំទ្ររបស់នាងក៏នាំគ្នាសម្ដែងអារម្មណ៍សោកសៅ និងចូលរួមចែករំលែកទុក្ខដល់នាងផងដែរ។ លើសពីនេះ គេក៏សម្ដែងការព្រួយបារម្ភអំពីផ្លូវចិត្តរបស់នាង ក្រោយត្រូវបាត់បង់ម្ដាយជាទីស្រឡាញ់ភ្លាមៗ ស្របពេលខ្លួនកំពុងធ្វើការនៅឆ្ងាយប្រទេសកំណើតផងដែរ។ យ៉ាងណាមិញ អ្នកគាំទ្រក៏នៅតែរួមគ្នាលើកទឹកចិត្តដល់នាងដោយសង្ឃឹមថានាងអាចនឹងយកឈ្នះឧបសគ្គក្នុងស្ថានភាពដ៏លំបាកនេះ។
យោងតាម Mask Studio ពិធីបុណ្យសពនឹងប្រារព្ធនៅ Asan Medical Center នៅទីក្រុងសេអ៊ូល ដោយបង្ហាញការសោកស្ដាយ និងការចូលរួមរំលែកទុក្ខជាមួយគ្នាដែរ៕























Account
Security
Favourite Content