យុវវ័យយ៉ាងច្រើនកុះករបានប្រមូលផ្តុំគ្នានៅបរិវេនរោងភាពយន្ត Major Cineplex សាខាអ៊ីអន ១ ដើម្បីចូលទស្សនារឿង លោកបងណាក់ វគ្គ ៤ ដែលត្រៀមចាក់បញ្ចាំងជាផ្លូវការ ចាប់ពីថ្ងៃទី ១ ខែមីនា ឆ្នាំ ២០២៤ តទៅ។


លោក សុខ សិរីសុភា ប្រធានផ្នែកទីផ្សារ Sabay MVP បានផ្តល់កិច្ចសម្ភាសន៍ឱ្យដឹងថា ការបន្តនាំចូលស្រឡាយរឿងរន្ធត់ដ៏ល្បីនេះមកកម្ពុជា គឺដោយសារសន្ទុះគាំទ្រខ្លាំង ៣ វគ្គកន្លងទៅ ដូច្នេះលោកគិតថា វគ្គ៤ នេះក៏អាចផ្ទុះការគាំទ្រខ្លាំងដូចគ្នាដែរ ដោយសារតែវគ្គថ្មីនេះលើសពីភាពយន្តរន្ធត់ ព្រឺព្រួចដែលធ្វើឱ្យគ្រប់គ្នាមើលហើយព្រឺរោម តែវាក៏បង្កប់អារម្មណ៍មនោសញ្ចេតនាពីអតីតកាលផងដែរ។

ក្រៅពីការនាំចូលរឿងបរទេសមកចាក់បញ្ចាំងនៅកម្ពុជា Sabay MVP ក៏បានវិនិយោគលើការផលិតភាពយន្តខ្មែរបែប Horror ជាមួយផលិតករ លោក Jimmy Henderson ផងដែរ ដោយរឿង Horror ថ្មីនោះត្រៀមទម្លាក់លើទីផ្សារកម្ពុជា នៅពាក់កណ្តាលឆ្នាំ ២០២៤ រួចទើបរៀបចំនាំចេញទៅចាក់បញ្ចាំងក្រៅប្រទេស ដូចជា ថៃ ភូមា និង ឥណ្ឌូណេស៊ី ជាដើម។
ប្រធានផ្នែកទីផ្សាររូបនេះ ពុំទាន់អាចទម្លាយឱ្យដឹងចំណងជើងរឿងរន្ធត់ថ្មីនោះនៅឡើយទេ ប្រាប់បានតែថា សាច់រឿងនោះលក្ខណៈបែបរន្ធត់ព្រឺព្រួចខ្លាំងតែម្តង ព្រោះយើងផលិតវាឡើងឱ្យស្របតាមទីផ្សារអ្នកមើលនាពេលបច្ចុប្បន្ន ដែលនិយមចូលចិត្តមើលរឿង Horror ខ្លាំងៗ។ លោកសង្ឃឹមថា គ្រប់គ្នានឹងពេញចិត្តសាច់រឿងថ្មីដែល Sabay MVP ត្រៀមបញ្ចេញជាផ្លូវការឆាប់ៗនេះ ក៏ដូចជាភាពយន្តបរទេសដែលបាននាំចូលមកចាក់បញ្ចាំងតាមរោងភាពយន្តនានា៕























Account
Security
Favourite Content