សម្រាប់ប្រិយមិត្តដែលមិនសូវចូលចិត្តដើរលេងទៅកន្លែងណាឆ្ងាយៗ នៅថ្ងៃឆ្លងឆ្នាំខាងមុខនេះ សួនកម្សាន្ត Jet’s Garden Park នឹងមានរៀបចំកម្មវិធីសប្បាយៗជាច្រើនដែលមានដូចជា បោះតង់ ពិកនិក និងល្បែងកម្សាន្តផ្សេងៗទៀត។ មួយវិញទៀតសម្រាប់ប្រិយមិត្តដែលមានកូនតូចៗច្រើន ហើយចង់បបួលពួកគេដើរលេងនៅក្នុងឱកាសថ្ងៃបុណ្យឆ្លងឆ្នាំខាងមុខនេះ ប៉ុន្តែមិនដឹងថាគួរទៅលេងទីណាទើបស័ក្កិសម និងមិនសូវឆ្ងាយពីភ្នំពេញ អាចសាកល្បងទៅលេងនៅសួនកម្សាន្តមួយនេះបាន ធានាថាក្មេងៗនឹងបានសប្បាយរីករាយខ្លាំងជាមិនខាន។