គ្រឿងផ្សំ៖

បង្គាស្រស់ ៥ ខាំ

សូដា ១ កំប៉ុង

ទឹកត្រី ៤ ស្លាបព្រាបាយ

ទឹកស្ករ ៥ ស្លាបព្រាបាយ (អ្នកចូលចិត្តប្រៃអាចបន្ថយ)

ទឹកប្រហុក ៥ ស្លាបព្រាបាយ

ក្រូចឆ្មារ ៤ ផ្លែ

ម្ទេសហុយ ២ ស្លាបព្រាបាយ

អង្ករលីង ២ ស្លាបព្រាបាយ

ម្ទេសស្រស់ ៣ គ្រាប់

វិធីធ្វើ៖

• ដំបូងបកបង្គា និងឆ្កឹះសរសៃខ្នងចេញស្អាតរួចយកទៅត្រាំជាមួយទឹកសូដា។ បើបន្ថែមទឹកកកក្នុងនោះទៀតរឹតតែធ្វើឱ្យសាច់បង្គាស្រួយឆ្ងាញ់។
• បន្ទាប់មកហាន់ក្រូចឆ្មារស្ដើងៗល្មម និងម្ទេសស្រស់ជាកង់តូចៗរួចទុកមួយឡែក។
• ក្រោយមកទៀត យើងចាប់ផ្ដើមលាយទឹកប្រហុក ទឹកត្រី ទឹកស្ករ ម្ទេសហុយ អង្ករលីង ក្រូចឆ្មារ និងម្ទេសស្រស់ចូលគ្នាហើយកូរឱ្យរលាយសព្វគ្រឿងល្អ។
• ចុងក្រោយគ្រាន់តែស្រង់បង្គាមកចាក់ចូលក្នុងទឹកប្រហុកហើយច្របល់ម្ដងទៀតជាការស្រេច៕