ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
តារាសម្ដែងវ័យក្មេង និងជាតួស្រីម្នាក់ទៀតក្នុងរឿង «ព្រះនាងកង្កែប» អូវ៉ាន់ទីន ដែលមានឈ្មោះពិត ឈុន ទីនសាន់ណា ក៏មានសមត្ថភាពរាំបានយ៉ាងស្ទាត់ជំនាញដែរ។ តារាស្រីមុខសែន cute រូបនេះ បានឲ្យដឹងថា ដោយសារកាលពីមុនធ្លាប់ហ្វឹកហាត់ និងរាំ មុនពេលចាប់ផ្ដើមអាជីពជាតារាសម្ដែង ទើបអាចរាំល្អ។
សម្រាប់តួស្រីវ័យក្មេងរូបនេះ បានបញ្ជាក់ប្រាប់ AMS ថា ដំបូងឡើយគឺនាងមានជំនាញខាងរាំ តែក្រោយមកអ្នកផលិតកម្មវិធីក៏បានផ្ដល់ឱកាសឲ្យសាកល្បងសម្ដែង ហើយក៏បន្តរហូតមកដល់ពេលនេះ។ បើនិយាយពីការសម្ដែងពេលដំបូងៗវិញ តារាស្រីមានដើមកំណើតនៅភ្នំពេញរូបនេះថា រៀងឆ្គងៗ តែក្រោយមានការហ្វឹកហាត់បន្ថែម ព្រមទាំងសម្ដែងបានច្រើន ធ្វើឲ្យបច្ចេកទេសកាន់តែវិវត្តន៍ម្ដងបន្តិច។
អូវ៉ាន់ទីន ថារូបនាងសព្វថ្ងៃក៏ទើបថតបញ្ចប់រឿងថ្មី ខណៈដែលរឿង «ព្រះនាងកង្កែប» ក៏ត្រៀមចាក់ផ្សាយឆាប់ៗនេះ។ បើនិយាយពីអាជីពសម្ដែងនាងកាន់តែរវល់ តែមិនត្រូវឲ្យមានអ្វីថ្មីសម្រាប់ទស្សនិកជនដែរ មិនមែនទទួលថតគ្រប់រឿងឡើយ ត្រូវមើលសាច់រឿង និងគិតថាទទួលបានអ្វីថ្មីពីតួសម្ដែងនោះអត់។
បើនិយាយពីតួសម្ដែងក្នុងរឿង «ព្រះនាងកង្កែប» វិញនាងពិតជាពេញចិត្តចំពោះតួអង្គនោះខ្លាំងណាស់ ព្រោះភាគច្រើនគឺស្រដៀងនាង។ ទោះជាយ៉ាងណា អូវ៉ាន់ទីន មិនបង្ហាញប្រាប់ច្រើនពីចរិតតួអង្គឡើយ ដោយចាំឲ្យចាក់ផ្សាយជាផ្លូវការនៅ AMS Infotainment ក្នុងមួយសប្ដាហ៍ចាក់ ២ ថ្ងៃ គឺថ្ងៃពុធ និងសៅរ៍ ចាប់ពីថ្ងៃ ៦ ខែកុម្ភៈឆ្នាំ ២០២៣ នេះតទៅ។
ចំពោះស្ទីល៍តុបតែងខ្លួនវិញ តារាសាច់សខ្ចីរូបនោះថា ដោយសារតែក្នុងរឿង និងនៅក្រៅរឿង «ព្រះនាងកង្កែប» នាងចូលចិត្តបែប cute cute ច្រើនជាងសិចស៊ី ហើយវាស៊ីនឹងរូបរាងទៀត ទើបមិនផ្លាស់ប្ដូរច្រើន ហើយរូបរាងក៏មិនសូវដូរដែរ ដោយព្យាយាមរក្សាឲ្យនៅថេរប៉ុនរាល់ថ្ងៃសិន តែបើមានរឿងថ្មីតម្រូវឲ្យប្ដូរនាង ថាមិនខ្លាចឡើយ៕
Account
Security
Favourite Content