បទ​ចម្រៀង «រំលស់​ប្រពន្ធ» របស់តារា​ស្រី​ជួរ​មុខ​របស់​ផលិតកម្ម Galaxy តន់ ចន្ទសីហា កំពុង​គ្រប់​ដណ្ដប់​លើ​បណ្ដាញ​សង្គម​ទាំង Tik Tok និង​ហ្វេសប៊ុក។ ដោយ​មាន​ទាំង​អ្នក Cover និង​រាំ​លេង​តាម​ចង្វាក់​ភ្លេង​នៃ​បទ​​​ចម្រៀង​នោះ បើ​ទោះ​ទើប​ចេញ​បាន​តែ ៨ ថ្ងៃ​ក៏​ពិត​មែន។

ក្នុង​នោះ​ដែរក៏​មាន​​តារា​ចម្រៀង​ស្រី​វ័យ​ក្មេង ឃុយ ម៉ីហៀង ក៏​បាន Cover បទ «រំលស់​ប្រពន្ធ» ពី​រៀមច្បង តន់ ចន្ទសីមា ដែរ ដោយ​ផ្លាស់ប្ដូរ Lyric មួយ​ចំនួន តែ​សាច់​ភ្លេង​នៅ​ដដែល។ «រំលស់​ប្រពន្ធ» ដែល ម៉ីហៀង ច្រៀង​​​ទទួល​បាន​ការ​គាំទ្រ​ច្រើន​ដែរ បើទោះជា​​ខ្លឹមសារ​ផ្ទុយ​ពី​ម្ចាស់​ដើម តន់ ចន្ទសីមា។ បទ​របស់ សីមា ​មួយ​នេះ​ត្រូវ​ចិត្ត​យុវវ័យ​សម័យ​ថ្មី​ខ្លាំង ហើយ​អ្នក​ស្ដាប់​បទ Cover របស់​អតីត​បេក្ខជន The Voice Kids Cambodia ក៏​ម្យ៉ាង ជាពិសេស​សំឡេង​រដឺន​ៗ​ជាប់​ចិត្ត​មិន​ចាញ់​ម្ចាស់​ដើម​ប៉ុន្មាន​ទេ។

សម្រាប់​បទ​ដើម​មក​ទល់​ពេល​នេះ មាន​អ្នក​ចូល​មើល​លើ YouTube រហូត​ជាង ៣ លាន​ដង និង​បាន​ជាប់​លេខ​២ ជា​បទ​ចម្រៀង​ពេញ​និយម​ផង​ដែរ។ «រំលស់​ប្រពន្ធ» ជា​ចង្វាក់​កន្ទ្រឹម ​បទដំបូង​ជា​​របស់ Vin Trapz ដែល​ចេញ​​កាលពី​ខែ​សីហា ហើយ Galaxy Navatra បាន​ផលិត​ចេញ​ជា version ស្រី ដែល​មាន​ការ​សហការ​រវាង​ក្រុម​ការងារ​របស់​ផលិតកម្ម​បន្ថែម និង​ខាង Vin Trapz។ រីឯ​នៅ​លើហ្វេសប៊ុក ឃុយ ម៉ីហៀង​វិញ មាន​អ្នក​មើល​ជាង ៦០ ម៉ឺន​នាក់។

ឃុយ ម៉ីហៀង Cover បទ «រំលស់ប្រពន្ធ»

បទ​ «រំលស់​ប្រពន្ធ» នេះ នឹង​ក្លាយ​ជា​បទ​រាំ​លេង​កម្សាន្ត​សប្បាយ​នា​ឱកាស​ពិធី​បុណ្យ​ភ្ជុំបិណ្ឌ​នា​ពេល​ខាង​មុខ ដែល​ប្រជាពលរដ្ឋ​បាន​ជួបជុំ​សាច់ញាតិ​បងប្អូន នា​ស្រុក​កំណើត៕