Stray Kids បានពង្រឹងឋានៈរបស់ពួកគេជាក្រុម K-pop ដ៏មានឥទ្ធិពលបំផុតមួយ ដោយបានគ្រងចំណាត់ថ្នាក់កំពូលលើតារាង Circle Chart ក្នុងឆ្នាំ ២០២៥ ជាមួយវិញ្ញាបនបត្រលក់អាល់ប៊ុមច្រើនជាងគេនៅឆ្នាំកន្លងទៅនេះ។

លទ្ធផលចុងឆ្នាំ ២០២៥ របស់ Circle Chart បង្ហាញថា Stray Kids បានឈរនៅកំពូលតារាងជាមួយនឹងវិញ្ញាបនបត្រសម្រាប់អាល់ប៊ុមចំនួនប្រាំពីរ ដែលជាសមិទ្ធផលខ្ពស់បំផុតក្នុងចំណោមសិល្បករដែលបានចេញផ្សាយស្នាដៃក្នុងឆ្នាំ ២០២៥។
ក្នុងនោះ ក្រុមចម្រៀងមានសមាជិក ៨ នាក់មួយនេះទទួលបានវិញ្ញាបនបត្រ Triple Million (លក់បាន ៣ លានបន្ទះ) សម្រាប់អាល់ប៊ុមខ្នាតពេញទីបួនរបស់ពួកគេ ‘KARMA’ ខណៈដែលអាល់ប៊ុម ‘NOEASY’, ‘合 (HOP)’ និង ‘DO IT’ សុទ្ធតែទទួលបានវិញ្ញាបនបត្រ Double Million (លក់បាន ២ លានបន្ទះ)។ លើសពីនេះអាល់ប៊ុម ‘Cle : LEVANTER’ ទទួលបានឋានៈ Double Platinum (លក់បាន ២ សែនបន្ទះ) ជាមួយនឹងការចេញផ្សាយពិសេស ‘KARMA (Nemo)’ និង ‘DO IT (PLVE)’ ដែលទាំងពីរសុទ្ធតែទទួលបានវិញ្ញាបនបត្រ Platinum (លក់ដាច់ ១ សែនបន្ទះ)។


ក្រៅពីវិញ្ញាបនបត្រទាំងនេះ Stray Kids ក៏ត្រូវបានដាក់ឈ្មោះជាសិល្បករដែលលក់ដាច់បំផុតនៅលើ Circle Chart ក្នុងឆ្នាំ ២០២៥ ផងដែរ ដោយអាចកត់ត្រាការលក់អាល់ប៊ុមចំនួន ៧.១ លានសម្រាប់រយៈពេលពេញមួយឆ្នាំ។
ក្នុងឆ្នាំ២០២៥ អាល់ប៊ុមរបស់ពួកគេ ‘KARMA’ ត្រូវបានចាត់ថ្នាក់ជាអាល់ប៊ុមលក់ដាច់បំផុត ពោលគឺលក់បានដល់ ៣.៤ លានច្បាប់ចម្លងទូទាំងពិភពលោក ដែលធ្វើឱ្យវាក្លាយជាអាល់ប៊ុម K-pop តែមួយគត់ដែលលើសពី ៣ លានច្បាប់ចម្លងនៅឆ្នាំនេះ។ នេះគឺជាលើកដំបូងដែល Stray Kids ទទួលបានចំណាត់ថ្នាក់លេខ ១ នៃអាល់ប៊ុមចុងឆ្នាំចាប់តាំងពីការចាប់ផ្ដើមចេញតារាងរបស់ Circle Chart ក្នុងឆ្នាំ ២០១០។
ក្នុងនាមជាតារាងតន្ត្រីដែលដំណើរការយូរបំផុត និងទទួលស្គាល់បំផុតរបស់កូរ៉េចាប់តាំងពីឆ្នាំ ២០១០ ចំណាត់ថ្នាក់ចុងឆ្នាំរបស់ Circle Chart គូសបញ្ជាក់ពីឥទ្ធិពលមិនអាចប្រៀបផ្ទឹមបានរបស់ Stray Kids ក្នុងឆ្នាំ ២០២៥ ៕

























Account
Security
Favourite Content